Seysenbi, 10 Jeltoqsan 2019
Sañlaq 2440 8 pikir 4 Aqpan, 2019 sağat 09:57

«Irtışten» qwtıldıq, endigi kezek «Tobolda»

«Sport salası damığan alpauıt elge aynaldıq» dep jar salıp jürgenimizge az uaqıt bolğan joq. Alayda el biligi üşin halıqtıñ köñilin aulaudıñ bastı qwralıına aynalğan sport salası memlekettik tilge qırın qabaq tanıtıp keledi. Sporttıñ qay türin alsañız da memlekettik tilde is jürgizui mülde naşar ekenin bayqaysız. Futbol, basketbol, voleybol, velosport qay-qaysısı da orıs tiline basımdılıq beredi. Al hokkey men qısqı sportta qazaq tili tipti bosağadan da sığalay almaydı.

Endi osılardıñ işinde eñ tanımal sport sanalatın futboldağı memlekettik tildiñ ögey küyin jazayıq. Soñğı kezderi qazaq tildi basılımdar futbol komandalarınıñ resmi sayttarı memlekettik tilde jwmıs istemeytinin aytıp dabıl qağuda. Bwğan tipti közimiz de üyrenip ketti. Kez-kelgen klubtıñ resmi saytına, äleumettik jelidegi resmi paraqşalarına kirseñiz qazaq tilinde aqparat tappay dal bolasız. Osı jerde el halqınıñ ¾-in qazaq wltı qwraytının jäne qazaq futbolınıñ tek qazaqtarğa ğana kerek ekenin ayta keteyik. Endeşe, el qarjısına kün körip otırğan osı klubtar kim üşin orıs tilinde aqparat taratıp otır. Älde bizdiñ komandalar Qazaqstannıñ emes, Reseydiñ namısın qorğay ma?!

Bwdan da ökiniştisi, bizdiñ elde key klubtıñ embleması äli orıs tilinde. Mäselen, qostanaylıq «Tobıldıñ» tösbelgisi «Tobol» dep jazılğan. Oraldıq «Aqjayıq» komandasın «Akjayık» retinde tanimız. Al Pavlodardıñ «Ekibastwz» komandası resmi türde «Ekibastuz» dep jazılıp jür. Däl osı pavlodarlıq tağı bir klub «Ertis» küni keşege deyin «Irtış» atanıp keldi. Qayta klub basşıları ülken erlik jasap 2019 jıldıñ tabaldırığın «Ertis» atauımen attadı. «Irtışti» töte «Ertiske» auıstıra almağan soñ tapqan amaldarı ğoy. Ögizdi de öltirmey, arbanı da sındırmay. Qala, köşe attarın qazaqşalauğa mülde qarsı soltüstik twrğındarınıñ kärinen qorqıp, qwrttıñ atın malta qoyıp otır klub basşıları. Meyli, bwğan da şükir…

Qazaq dalasınıñ şölin qandırğan üş özenniñ atın alğan osı komandalardıñ sol qasietti ataulardı bwrmalap jürgeni ökinişti. Äytpese, Tobol dep ayta alğan adam Tobıl dep te ayta aları sözsiz. Aynalıp kelgende jergilikti halıqtı kemsitu üşin ädeyi tilin bwza söyleu dep tüsinbeske amalımız joq. Şının aytqanda, qostanaylıq klubqa tarihtan beri bir oñğan atau bwyırğan emes. İlgerindi-keyindi «Torpedo», «Avtomobilist», «Energetik», «Kustanaec», «Himik» atalğan komanda 1995 jıldan bastap jergilikti özenniñ atın alğan. Ökiniştisi, özderiñiz bayqağanday bwrmalanıp, «Tobol» atanıp otır.

“тобол фк”的图片搜索结果

Bizdiñ oyımızşa, klub atauın jäne embemadağı «futbol'nıy klub Tobol» degen sözdi özgertudi talap etetin uaqıt keldi. Osı maqsatta Qostanay jwrtı jäne jergilikti janküyerler belsendilik tanıtsa degen tilegimiz bar. Ärine Oraldıñ «Akjayık» komandasınan da osını talap etemiz. Bwl rette atalğan eki komanda pavlodarlıq «Irtışten» ülgi alsa deymiz. Komanda atauına qazaqşa äripterdi qosqısı kelmese erterek latın älipbiimen jaza bersin. «Tobyl» jäne «Aqjaiyq» dep...

“акжайык фк”的图片搜索结果

Biz köne ataulardı qazaqşalay almay jürsek, keybir basşılar sol qazaqşadan bas tartqısı keledi. Mäselen, 2016 jılı Aqmola oblısınıñ äkimi Sergey Kulagin kökşetaulıq «Oqjetpes» klubınıñ atauın «Arlan» dep özgerteyik dep aydı aspanğa şığarğan bolatın. Bwğan bastı sebep retinde äkim mırza «Oqjetpes» dep aytu tilge auır ekenin alğa tartqan.

– Bizde «Arlan» degen bar ğoy (hokkey klubı). Älbette «CSKA» – «CSKA», «Dinamo» – «Dinamo». Bilesizder me, nege «Arlan»? Mısalı, «To-bol!». Al «Oq-jetpes» nemese «Aq-töbe» dep qiqu salu – qiındau, joğaladı. Al «Arlan»: «Ar-lan!» – dep tüsindirgen Sergey Vital'eviç.

Memlekettik tilge tili kelmeytinin maqtan twtatın memlekettik qızmetker öz oyın däleldeu üşin reseylik komandalardı mısal etken. «CSKA», «Dinamo» dep. Bwğan qosa «Oqjetpesti» ğana emes «Aqtöbeni» de özgertu kerek degen oyın bildirgen. Abıroy bolğanda Kulagin mırza Aqmola oblısın üş jıl ğana basqardı. Eger tağı eki jıl otırğanda Oqjetpes atauımen erte qoştasar ma edik?! Memlekettik tildi qwrmettemeytin mwnday basşılar Oqjetpes sekildi tarihi ataulardı, qasietti wğımdı qadirleydi dep ümittenudiñ özi artıq şığar.

相关图片

Bwnday basbwzarlıq Sergey Kulaginmen birge ketti desek qattı qatelesemiz. Qazirgi bilikte qazaqılıqqa qanımen qarsı basşılar örip jür. Olarğa salsañ almatılıq «Qayrat» komandasın «Alma-ata», al «Astananı» «Lokomotiv» (elordalıq klubtıñ alğaşqı atauı) dep atauğa dayın. Söz soñında aytarımız, qazaq sportınıñ janküyeri de, janaşırı da qazaqtar. Sol üşin ärkimge jaltaqtamay, sportta bolsın, özge salada bolsın qazaq tiline basımılıq beru kerek...

Quanış Qappas

Abai.kz

8 pikir