Jeksenbi, 8 Jeltoqsan 2019
Sañlaq 2139 7 pikir 14 Jeltoqsan, 2018 sağat 10:56

Elordalıqtar Europa ligasındağı jorığın ayaqtadı

«Astana» bügin Europa Ligası toptıq kezeñiniñ soñğı turında franciyalıq «Rennge» qonaqqa barıp, 2:0 esebimen jeñilip qaldı.

Alğaşqı bes turdıñ qorıtındısı boyınşa elordalıq komanda 8 wpay jinap, K tobında ekinşi orında twrğan. Alayda üşinşi orındağı francuz komandasınan eki wpay ğana alda bolatın. Europa ligasınıñ pley-off kezeñine ötu üşin soñğı turda «Rennge» tek jeñis kerek bolsa, «Astana» üşin teñ oyın da jetkilikti edi.

Eki komandanıñ da pley-offtan ümiti bolğandıqtan, bwl matç asa tartıstı boladı dep kütilgen. Alayda oyın biz oylağanday tartısqa tolı bolğan joq. Ädilin aytqanda alañ ieleriniñ ayıq basımdılığı bayqalıp twrdı. Qazaqstandıq komanda teñ nätijeni qanağat twttı ma, älde mausım ayaqtalıp qoyğandıqtan babın joğalttı ma, bügin biz nağız «Astananı» köre almadıq. Tek qorğanıstıñ qamın küyttep, artqa pas beruden asa almağan komanda üşin jeñistiñ auılı alıs edi.

Francuz jerinde ötken matçtıñ alğaşqı taymında gol soğılmadı. Alañ ieleri 45 minut boyı tınbay şabuıldasa da esep aşa alğan joq.

Alayda ekinşi taymda bäri basqaşa boldı. Alğaşqı 45 minutta sır bermegen «Astana» qorğanısınan sañılau tabıldı. Qarsılastar bir emes eki birdey gol soğıp, degenderine jetti. Eki goldı da 20 jastağı senegaldıq şabuılşı Ismaila Sarr soqtı.

Osılayşa elordalıq komanda Europa ligasınan şığıp qaldı. Qwramında kileñ legionerler dop tepse de el bolıp qoldau körsetken komandamız toptıq kezeñnen asa almadı. Ötken jılı ğana Europa ligasınıñ 1/16 finalına deyin jetken elordalıq klub biıl sol biiginen säl tömendep qaldı.

Europa ligası. Toptıq kezeñ. Soñğı tur

«Renn» - «Astana» - 2:0 (0:0)

Gol soqqan: Sarr 66', 73'

«Renn»: Diallo, Da Silva, Meşer, Sarr, Gren'e, Sibaço, Burigo, Bensebaini, Ben-Arfa, Andre, Traore;

«Astana»: Eriç, Rukavina, Aniçiç, Klyaynhaysler, Pedro Enrike, Tomasov, Maevskiy, Zaynutdinov, Riçard Almeyda, Kabananga, Postnikov.

Quanış Qappas

Abai.kz

7 pikir