Düysenbi, 14 Qazan 2019
Alaşorda 3749 0 pikir 13 Jeltoqsan, 2018 sağat 12:04

QazWU-da Alaş arıstarına arnalğan ğılımi konferenciya ötti

Keşe, 12 jeltoqsan küni Äl-Farabi atındağı QazWU kitaphanasında Alaş ziyalılarınıñ ağartuşılıq missiyası men  kitap şığaru isindegi eñbekterin bağalau jäne nasihattau maqsatında «Qazaq kitabı: Alaş qayratkerleriniñ kitap basu isiniñ damuına qosqan ülesi» attı halıqaralıq ğılımi-täjiribelik konferenciya ötti. «Ruhani jañğıru» bağdarlaması ayasında ötken jiındı jurnalistika fakul'teti, Baspagerlik-redaktorlıq jäne dizaynerlik öner kafedrasınıñ wyımdastırdı.

Qazaq biliminiñ qara şañırağı sanalatın QazWU-diñ jurnalistika fakul'teti Alaş ardaqtılarınıñ eñbegin näsihattauda eleuli jwmıs atqarıp keledi. Bwğan deyin de wlt ziyalıların wlıqtaudıñ ozıq ülgisin körsete bilgen qara şañıraq qabırğasında ötken halıqaralıq konferenciyada Alaş qayratkerleri dayındağan oqulıqtardıñ mäni men mañızı, birtuar perzentterimizdiñ körkem şığarmaları men audarmalarınıñ wlt ruhaniyatındağı alar ornı jan-jaqtı ğılımi twrğıda saralandı.

Konferenciyağa kelgen köpşilik aldımen kölemdi fotokörmemen tanısu mümkindigine ie boladı. Fotokörme Alaş arıstarınıñ qazaq üşin istegen qajırlı eñbekterinen sır şertti. Halıqtıñ ayaulı perezentteriniñ qolınan şıqqan gazet-jurnaldar men kitaptar toptastırılğan fotokörme qazaq baspasöziniñ bastau közin köz aldımızğa keltirdi.

Konferenciyada söz alğan ğalımdar, alaştanuşılar ötken ğasırdıñ bas şenindegi baytaq qazaq dalasınıñ beynesin sözben surettedi. Patşalıq Reseydiñ jeztırnağı jauırınına batqan qazaq halqı qızıl imperiyanıñ qandı qaqpanına qalay tüskeni bärimizge belgili. Sonday almağayıp däuirde tuğan halqın twzaqtan araşalap qalu üşin Alaş qayratkerleri qoldan kelgenniñ bärin jasadı.

Alaş arıstarınıñ ärqaysısı mıñ adamnıñ qızmetin atqarğanın tarihi derekter däleldep otır. Atalğan konferenciyağa arqau bolğan "Alaş qayratkerleriniñ kitap basu isiniñ damuına qosqan ülesi" olardıñ el igiligi üşin istegen qızmetteriniñ asa qwndı bir salası ekeni sözsiz. Konferenciyağa qatısqan ğalımdar Alaş ziyalılarınıñ eñbekterin zerttep-zerdeleu isi bwdan da qarqındı jürgizilui kerek ekenin basa ayttı. Konferenciya soñında "Alaş tuı astında" attı derekti fil'm körsetildi.

Quanış Qappas

Abai.kz

0 pikir