Jeksenbi, 23 Aqpan 2020
46 - söz 1653 4 pikir 28 Qaraşa, 2018 sağat 10:48

Astanadan Qazaq Wlttıq klassikalıq Öner Akademiyasın aşu kerek!

Wlı dalanıñ jeti qırın oqığan soñ!

Maqala söz joq jön taba almay aydıñ, künniñ amanında adasıp jürgen BASŞISIMAQTARĞA şamşıraq eken! Mwnda wlttıq önerge qatıstı aytılğan dünieler keremet! Osını paydalanıp mende öz oyımdı ortağa salğandı jön kördim.

Täuelsizdik alğanımızğa tabanı kürektey 27 jıl boldı. Osı uaqıt aralığında wlttıq öner, bir güldep, bir solıp, basın tauğa da, tasqa da wrıp twraqsızdıqtıñ saldarınan sendelip jürgeni ras!

Eger basşılıq tiimdi paydalansa bwl maqala, osı wlttıq önerdegi twraqsızdıqtıñ közin joyıp, kemeldenuine bastau boları sözsiz. Ol üşin elimizdiñ jüregi Astanadan QAZAQ WLTTIQ KLASSIKALIQ ÖNER AKADEMIYASIN aşu kerek!!! Bwnday bir ğana wlttıq önerdi oqıtıp, bağıt-bağdar beretin oqu orını köptegen elde bar! Mısalı körşi Reseyde. Jäne onda tek qana wlttıq muzıka men (än, küy, jır, aytıs, bi) wlttıq qol öner ğana saltanat qwruı tiis! Sonday-aq, osı ortalıqtıñ işinde wlttıq önerdi zertteytin arnayı laboratoriya jasaqtaluı tiis. Onıñ jwmıs bağıtı - el arasınan jäne şet elden qazaqqa qatıstı mädeni mwralardı (sonday-aq, türki düniesine ortaq mwralardı da osında qamtuğa boladı)jinaqtap, wlttıq aspaptardı bügingi qoğamğa say koncerttik deñgeyde damıtu, än mätinderin bir jüyege keltiretin tekstologtar men änşi-küyşi kompozitorlarğa qatıstı daulı mäselelerge nükte qoyatın öner zertteuşilerin bir jerge toğıstıru boluı kerek!

Änşilerdiñ dauısın wlttıq naqışın bwzbay tärbielep, jetildiru. Sebebi bügingi tañda dombıramen än salıp jürgen änşilerdiñ basım böligi akademiyalıq (operalıq) vokal ülgisinde dauısın şıñdap, tabiğatınan auıtqıp jür! Jalpı ortaq sabaq beru metodikasın dayarlap jolğa qoyu. Üytkeni qazirgi uaqıtta wlttıq ändi üyretetin metodika joq! Är mwğalim öz bilgenin, öz deñgeyinde üyretip keledi. Keşegi Ämire, Manarbek, Jüsipbek, Ğarifolla sındı sañlaqtar negizin salğan WLTTIQ OPERANI qayta jandandıru. Onı qazaq wlt aspaptar orkestrimen süymeldeudi täjiribe retinde bayqap körip, sätti şığıp jatsa jüyege engizu.

Jäne önerpazdardıñ saxnağa kiip şığatın kiim ülgilerinde jas erekşeligine say jüyege qoyu. Kim-köringenge kiim tiktire bermey, wlttıq kiim tarixın biletin dizaynerlerdi de osında jwmıldıru qajet.

Qazaq küy öneriniñ tabiğatın tereñnen tüsindirip, tilin wqtıra biletin mamandar da osı jerde toğısuı kerek. Sebebi qazirgi qazaq qoğamı küy tabiğatı tügili küydiñ tilin de, äuenin de qabılday almaydı! Bwnıda osı akademiya arqılı retke keltiruge boladı. Jäne wlttıq önerdi meylinşe jan-jaqtı nasixattau kerek! Barlıq tele-radio arnalardı QAZAQTIÑ WLTTIQ ÖNERİN nasixattauğa mindetteu kerek! Osı rette, bir ğana arna mindetin tiisti atqarıp keledi. Ol, Qazaqstan wlttıq arnası, Qazaq, Şalqar radiosı.

Qısqası, bas qalamız Astanadan QAZAQ WLTTIQ KLASSIKALIQ ÖNER AKADEMIYASIN aşu kerek!!! Qazaqtıñ wlttıq öneriniñ şañırağı aşılıp, än, küy, jır öneri özge önerdiñ bodandığınan qwtılğanda ğana QAZAQ tolıq azat bolmaq! Bwl meniñ ğana arman-tilegim emes! Wlttıq önerdi wlıqtap, ömirlik serik etken önerpazdardıñ jäne wlt önerin öz janınan artıq köretin tıñdarmannıñ mwrat-maqsatı!

Qol astındağı qızımetkerleriniñ sanasına sañılau tüsirip, bağıtın ayqındap bergen ELBASI - Nwrswltan Äbişwlına mıñ alğıs aytamın!

Erlan Rısqalidıñ facebook paraqşasınan

Abai.kz

4 pikir