Düysenbi, 21 Qazan 2019
1100 13 pikir 31 Qazan, 2018 sağat 14:58

Qazaqstandağı küş qwrılımdarı internetti bwğattaudıñ "äleumettik sipatın" tüsindire almadı

Qazaqstan aqparat jäne kommunikaciya ministri, işki ister ministri men qorğanıs ministri küş qwrılımdarına "tötenşe jağday kezinde" internet pen baylanıs jüyesin toqtatuğa qwzıret beriluine qatıstı kommentariy berdi.

Qazaqstan ükimeti birer kün bwrın arnayı qaulı şığarıp, Bas prokuratura, Wlttıq qauipsizdik komiteti, İşki ister ministrligi men Qorğanıs ministrligine internetti bwğattau qwqığın bergen. Qaulığa säykes, atalğan memlekettik organdar ökiletti organmen özara äreket ete otırıp, "äleumettik, tabiği jäne tehnogendik sipattağı qauip töngende nemese tötenşe jağday bolğanda" ükimet men prezident baylanısınan basqa internet pen baylanıs jüyesin toqtatuğa qwzıretti boladı. Qwjat ötken jeksenbide, 28 qazanda küşine engen.

Ükimet otırısınan keyin jurnalister saualdarına jauap bergen işki ister ministri Qalmwhanbet Qasımov "Bwl turalı zañdı jariyalaymız, sodan oqisızdar. Bwl bizge ğana emes, Wlttıq qauipsizdik komitetine de qatıstı" dep qana jauap berdi.

Al aqparat jäne kommunikaciya ministri Däuren Abaev "Mwnday jağday bolıp qalğanda mindetti türde (baylanıstı - red.) öşiredi degen söz emes, qarastıradı degen. Mümkindik berilui mümkin. Ol endi qaulı ğoy. Sondıqtan osı mäseleni tolıq qarap, jauabımdı beremin" dedi.

Qorğanıs ministri Nwrlan Ermekbaev Azattıq tilşisine "Bwl şeşim turalı naqtı ayta almaymın. Öytkeni ol jaña qabıldanıp jatır. Biraq eger şekara aymağında tötenşe jağday jariyalanatın bolsa, onda şekara aymağı komendantınıñ internetti bwğattau turalı wsınıs jasauğa qwqığı bar. Biraq qorğanıs ministrliginiñ özi bwğattauğa qwzıreti joq" dedi ministr.

Ermekbaev tilşiniñ "Äleumettik sipattağı tötenşe jağday" degen söz neni bildiredi?" degen swrağına "Ol zañda jazılğan" dep qana jauap berdi.

Qazaqstanda jıl basınan beri Facebook, YouTube, Instagram jäne Telegram jelilerine keşki uaqıtta kiru qiındaydı. Mausım ayında qazaqstandıq qwqıq qorğauşılar "äleumettik jelini bwğattaudı toqtatuğa" şaqırğan. Adam qwqıqtarı jönindegi qazaqstandıq byuronıñ taratqan mälimdemesinde azamattar kez kelgen uaqıtta qajetti aqparattı aluğa qwqığı bar degen.

Äleumettik jeliler şetelde twratın bwrınğı bankir, Astananıñ sayasatın sınaytın oppoziciyalıq sayasatker Mwhtar Äblyazov äleumettik jeliler men messendjerler arqılı tikeley efirge şıqqan kezinde bwğattaladı.

Bwğan deyin Qazaqstannıñ kiberqauipsizdik salasındağı memlekettik mekemeler basşıları qazaqstandıq internet qoldanuşılardıñ äleumettik jeliler men messendjerlerge ara-twra kire almay qalatınına biliktiñ qatısı barın joqqa şığarğan.

Abai.kz

13 pikir