Särsenbi, 23 Qazan 2019
Kübirtke 4263 19 pikir 24 Tamız, 2018 sağat 08:12

Qwlsarıdağı ıqşamaudan töbelesin toqtatuğa nege qauqarsızbız?

Jıloy audanınan bir küresker paluan şıqtı ma? Mıqtı dzyudoşı men karateşı şıqtı ma? bolmasa Jıloydan şıqqan bir boksşını atap bere alasıñdar ma? Erterekte 4-auıldan Bauırjan Ibıraev  degen bauırımız şıqqan bolatın. Jäymen şäkirt tärbieley bastağan. Onı kötermelep, jağdayın jasap qoldau körsetken eşkim bolmadıAmal joq, bokstıñ bağı janbay ol boksşımızdıñ ömir jası da qısqa boldı. A

uılğa qauqitıp sapasız futbol alañın sala bergennen de birnärse öne me? Sebebi, onı qadağalap, rettep otıratın jauapker bireu bolmasa, onıñ bäri beker! Soñğı şetel ülgisimen salınıp jatqan futbol alañdarın qarap otırsañ, astıñğı sımdarın mıjıp-mıjıp siır kiretindey etip mayıstırıp tesip tastağan. Jäne bir auılda bolsa ekinşi auılda joq. Özge auıldıñ baldarı özge auıldağı futbol alañına barıp oynay almaydı. Sebebi, küşteri özderinen auıspaytın "boevik" jastar bir-birin öz şekaralarına jaqındatpay qırıp saladı. Är auılda jastardı auızbirlikke ündep jatqan namıstı ağa buındar jäne joq!

Jıloy audanına mıqtı bapkerler men jattıqtıruşılar şaqırtpay eşteñe önbeydi. Mısalı, barlıq jağdayın jasap Qanat Islamdı alıp kelsek, qwrığanda Qwlsarıda 5 jıl twraqtatsaq, artında mıqtı şäkirtter qalar edi. Ardaq Nazarov sekildi ruhani bay bauırlarımızdı aldırıp, 5 jıl wstasaq ta, artta iz ben nätije qalar edi ğoy. Qwr sporttıq keşender men ğimarattar salğannan eşteñe özgermeydi.

Bizge, bizdiñ wrpaqqa wstazdar jetpeydi, bizde wstazdar müldem joq, bizge wstazdar auaday qajet! Joğarıdağı äkimder, osığan qattı köñil böliñder! Äytpese, endigi jerde bäri keş boladı, bizde wrpaqtan ayrılıp qalu qaupi bar. Mınanday eki künniñ birinde bir-birin pışaqtap jatqan ortada wrpaq ösip wrpaq dami ma? Er balalarımızdıñ bärin endigi jerde sportqa baulımasaq, qızteke, pedofil' sekildi bağıtqa bir taban jaqındap ketui mümkin! Ükimet, el bolıp otırıp boqmwrın balalarımızdıñ tentektikterin toqtata almasaq, nieti men minezin özgerte almasaq bizge ülken sın! Bwlarğa ara tüspesek, erteñgi küni mwnday jastardan elim dep şırıldağan Mwstafa Öztürik sekildi wltşıl börilerimizdi öltirip ketetin satqındar ğana şığadı. Biz ıqşamaudandağı jastar töbelesin mindetti türde toqtatamız! Bizge bir-birin qıratın emes, eli jeri, wltı üşin twratın altın wrpaq qajet! Bizdiñ är wrpaq, erteñgi küni el qorğaytın bir-bir äsker! Bizge öskeleñ altın wrpaqtıñ namıstı da ruhtı bolğanı mañızdı! Sondıqtanda, biz ağa buındar, bwl mäselede barımızdı salamız! Qoldaytın, qoştaytındarıñ bolsa qane, boy köteriñder, habarlasıñdar!

Bwyırsa, qırküyektiñ birinşi jwldızın "Jıloy jastarınıñ dostıq küni" dep belgilep, ortalıq sayabaq mañına ülken jinalıs ötkizeyik! Bwl el bolıp qolğa alatın ülken şarua! Bwğan ülken-kişi bäriñ atsalısıñdar! Nege biz irgesi sögilmegen ülken el bola otırıp ıqşamaudan töbelesin toqtatuğa qauqarsızbız? Joğarı bilikte otırğandar ay qarap otır ma? Älde olarğa qazaqtıñ bir-birimen qırılıp ölui kök tiın ba? Osı mäselede audan äkimi ülken jinalıs wyımdastıruı kerek! Barlıq lauazımdı twlğalardıñ basın qosıp bwl tığırıqtan şığatın joldı izdeu kerek! Mısalı, eldiñ tınıştığı barlıq qwqıq qorğau qızmetkerlerine tiesili emes pe? Bir-birin ayausız qırıp jatqan jastardıñ probleması älde olardıñ qwzırlarına kirmey me? Bwl tek İİB-niñ moynında degenge men eşuaqıtta qosılmaymın! Bizde "terrorizmniñ aldın alu" degen sayasat pen közqaras bar ma? Bügin öz bauırına pnevmat, asa tapanşalarımen oq atıp, pışaqpen tilgilep jatqan jastar öse kele eregespen, kek alu maqsatında özderine qarsı bir möltekaudandı tügel jarıp jiberudi iske asırmasına kim kepil? Sebebi, qazirgi tañda şekarasız äleumettik interjeliniñ siqırlı uağızı küşi boyına simay buırqanıp twrğan misız jastarğa üyretpey jatqan bäleleri joq! Sondıqtanda, bäriñdi Jıloy audanındağı şımbayğa batqan osı özekti mäseleni toqtatuğa şaqıramın! Elde "şükir tirimin, men barmın" degen namıstı, elin oylaytın mıqtı jigitter bolsa, birauızdan atsalısıñdar!

"Jallğızdıñ üni, jayaudıñ şañı şıqpas" degen, bir adamnıñ şırılı ne şeşedi? Sondıqtanda, "jip birikse arqan, el birikse qalğan" degen qağidamen bir jeñnen qol şığarayıq, ağayın! Özin qasqır sanaytın qazaq bauırlarıma aytarım, böltirikteriñdi dwrıstap baulıñdar! Üyretilmegen böltirik şiböri-şakalğa aynaladı. Al qazaq jazirasın öñkey şiböri qaptasa, onda bir küni öz böltirigiñniñ qolınan öldim dey ber!

Közderiñdi aşıñdar, oyanıñdar bauırlar

Twrar Şapqara

Abai.kz

19 pikir