Särsenbi, 23 Qazan 2019
Kübirtke 2252 12 pikir 1 Tamız, 2018 sağat 14:13

Reseyge zımırandarın qwlatu üşin Jangeldin audanınan jer berilui mümkin

Resey Federaciyasınıñ zımırandarın qwlatu üşin Qazaqstan aumağınan tağı da jer berilui mümkin. Bwl turalı ru.sputniknews.kz saytı RIA Novosti basılımına silteme jasap habarladı.

Eki memleket aldağı uaqıtta jaña zımıran aymağı turalı kelisim jasadı. Ol aymaq Qostanay oblısı Jangeldin audanında boluı mümkin ekeni boljanıp otır.

Qazaqstan men Resey birlesip, äueli Bayqoñır ğarış aylağınan bastap, raketalardıñ qwlau audandarın anıqtaydı. Sonıñ negizinde kelisimder jasaladı.

Bwl jerde negizgi äñgime OneWeb sputnikterimen birge wşırılatın  «Soyuz» zımıranı turalı bolıp otır. Resey BAQ ökilderiniñ jazuınşa, bwl zımıran jaña traektoriya boyınşa Qostanay oblısı, Jangeldin audanına qwlatıluı (basqa audandar da tañdaluı) mümkin.

Bwl mäsele boyınşa bwğan deyin reseylik jäne qazaqstandıq taraptar arasındağı kelispeuşilikter bolğanın birqatar basılımdar habarlağan edi.

Qazaqstan tarapı öz kezeginde Roskosmos pen OneWeb arasındağı kelisimşartqa qauip töndiretin jaña audandı qamtamasız etpeytinin atap ötti.

Alayda, keyinirek «RIA Novosti» Roskosmostıñ baspasöz qızmetine tüsinikteme berdi. Oğan säykes, Qazaqstan Qorğanıs ministrliginiñ Aeroğarış komiteti OneWeb-pen kelisim-şart ükimetaralıq kelisim jasalğannan keyin orındalatının aytqan.

Esteriñizge sala keteyik, ötken jazda Jezqazğan mañında Reseylik

«Soyuz-2.1 a» zımıranı qwlap, ört şıqqan bolatın. Sonıñ saldarınan zımıran bölikterin jinaumen aynalısatın eki jwmısşı qaytıs bolğan edi.

Nwrbike Bekswltanqızı

Abai.kz

12 pikir