«Oskar» syilyghynyng laureaty jәne Kann festivalining «Altyn palima» iyegeri Juliet Binosh Astanagha keldi.

«Teatr men kino salasynyng tanymal fransuz aktrisasy bizding astanamyzdy 20 jyldyq mereytoyymen qúttyqtap, festivali ayasynda «Des mots pour le dire» - «Jýrekten shyqqan syrly sóz» atty monospektaklimen sahnagha shyqty. Juliet Binosh qazaq aqyny Qasym Amanjolovtyng «Saryarqa» atty әigili ólenin oqyp kórermenderdi óz ónerimen tanqaldyrdy. Búl fransuz aktrisasy men qazaq aqynynyng shygharmashylyghyn únatatyndar ýshin ýlken tosynsyy boldy», - dep jazdy Mәdeniyet jәne sport ministri Arystanbek Múhamediyúly Feysbuk paraqshasynda.

Sonday-aq, ministr atap ótkendey, aktrisa fransuz әnshisi Barbara ómirbayanynan fragmentterdi oryndap, әigili aktrisany birinshi әlemdik fortepiano men kameralyq muzyka syilyghynyng laureaty Vinsent Leterm fortepianomen sýiemeldedi.

«Juliet Binoshtyng pikirinshe, ol bizding elimiz turaly jaghymdy әserde, ol bizding elimizge jәne Astananyng batyl, serpindi sәuletine tang qaldy. Aktrisa meyirimdi jәne qonaqjay Qazaqstan halqyna óte riza boldy, ol úzaq saparmen taghy da bizding elge keluge niyet bildirdi. Búdan basqa, Juliet Binosh bizding otandasymyz Samal Eslyamovanyng ýlken jetistikterimen, Kann festivalinde jeniske jetuimen jәne tәuelsiz Qazaqstannyng astanasyn mereytoyymen shyn jýrekten qúttyqtady», - dedi A. Múhamediyúly.

Ministrding aituynsha, Dýniyejýzilik «Astana» teatr festivaline Astananyng 20 jyldyq mereytoyymen qúttyqtau ýshin Italiya, Úlybritaniya, Litva, Polisha, Germaniyadan tanymal әlemdik teatrlar keldi, әrtýrli elderding 17 teatry 18 ataqty qoyylymdy úsyndy.

«Festivaliding saltanatty jabyluy Beybitshilik jәne Kelisim sarayynda ótti. Biz qoshtaspaymyz, bir jyldan song osy alanda qayta kezdesemiz. Endigisi jana ýshinshi Dýniyejýzilik «Astana» teatr festivalinde kezdeskenshe», - dep ayaqtady ministr.

Abai.kz