Düysenbi, 16 Qırküyek 2019
Bilik 2914 0 pikir 26 Mamır, 2018 sağat 19:52

Sport üstemdik qwrğan kün! (foto)

Bügin Astana töriniñ «Däulet» Sport keşeninde  QR Mädeniet jäne sport ministrligi Elbası N.Ä.Nazarbaevtıñ Qazaqstan halqına joldağan «Seniñ jaña qırıñ!» çellendji ayasında öñirlermen auqımdı «Sporttıq Teleköpir» wyımdastırdı. Teleköpir mänisi – oblıstarmen birigip sauıqtıru gimnastikasın jasauğa sayadı. QR Mädeniet jäne sport ministri Arıstanbek Mwhamediwlı öñirlerdi Elbasınıñ bastamasın qoldap, çellendjge qatısuğa şaqırdı.

«Memleket basşısı biz üşin ülgi. Nwrswltan Äbişwlı atalğan akciya ayasında barlıq qazaqstandıqtardı sportpen şwğıldanuğa şaqırdı. Ayta keteyin, Elbası öziniñ Qazaqstan Halqına Joldauın ayasında  eñ mañızdı tapsırmanı— 2020 jılğa qaray, halıqtıñ 30% dene şınıqtıru jäne sportpen aynalısuı qajet degen bolatın. Atalğan tapsırmanı orındau ayasında, ötken jıldıñ qorıtındısı boyınşa dene şınıqtırumen aynalısatın damdar sanı 5 mlnnan astı, bwl halıqtıñ 28,7. 2016 jılmen salıstırğanda dene şınıqtırumen aynalısatındardıñ sanı  1,3% boldı. Biz osımen toqtap qalmauımız kerek. 

Men sizderdiñ barlıqtarıñızdı  sportpen aynalıuğa şaqıramın, dene şınıqtıru Sizdiñ ömiriñizdiñ bir bölşegine aynaluı qajet,- dedi Arıstanbek Mwhamediwlı.

Qonaqtardıñ sözinen soñ, Arıstanbek Mwhamediwlı teleköpir arqılı 4-qalamen Şımkent, Öskemen, Petropavl, Aqtau onlayn translyaciyağa şıqtı. Sport basqarması basşılarınıñ jetekşiligimen çellendj qatısuşılar dinamikalıq muzıkanıñ süyemeldeuimen keşendi jattığular jasadı. Şarağa  belgili sportşılar, ärtister, mädeniet qayratkerleri, öñirlerge belgili tanımal twlğalar qatıstı. Mañğıstau oblısınan bokstan London olimpiadasınıñ kümis jüldegeri Ädilbek Niyazımbetov baylanısqat şığıp, barlıq qatısuşılarğa sättilik tiledi. Şığıstıqtardı YUliya Galışeva bastadı, Oñtüstik öñirde gimnastşı Äliya YUsupova bastağan sportşılar keşendi jattığu jasasa, Soltüstik Qazaqstan oblısınan jaqında ğana Kann festivalinde üzdik aktrisa atanğan Samal Eslyamova baylanısqa şığıp, jinalğan qauımğa atalğan sporttıq bastamanıñ mañızdılığın atap ötti.

Astanadağı gimnastikağa Serik Säpiev, Vasiliy Levit, Wlan Rısqwl, Gyuzal' Manyurova, Ağayındı Jüginisovter, Jeñis Seydollawlı jäne tağı basqa halıq qalaulıları qatıstı.

Ayta keteyik, translyaciya tek 4 - oblıspen jasaldı, alayda jergilikti jerlerde dene şınıqtırudı qalğan 10 öñir de jasadı. Osılayşa dene şınıqtıru jattığuı barlıq 14 oblıstı qamtıdı.

Esteriñizge salayıq, 22 mamırda Elbası N.Ä. Nazarbaev respublikalıq sporttıq "Challenge Drugoy tı!" şarasına qoldau bildirip, qazaqstandardı sportpen aynalısuğa şaqırğan bolatın. Şaranıñ maqsatı – qazaqstandıqtar arasında dene şınıqtıru men sporttı tanımal etu. Onıñ ayasında belgili sport, mädeniet, BAQ ökilderi dene şınıqtıru jattığuların jasap, qazaqstandıqtardı sportpen aynalısuğa  şaqıradı.

Abai.kz

0 pikir