Oblys әkimdigindegi qyzmetkerding 11 mamyrda habarlauynsha, mәjbýrli týrde ótkizilgen senbilikke kedenshiler, salyqshylar jәne basqa da budjet mekemelerining qyzmetkerleri oblys basshysy Shuhrat Ganiyevting jarlyghymen shyqqan. Ferghana oblysy boyynsha keden komiyteti basqarmasynyng bir basshysy qaramaghyndaghy qyzmetkerlerding senbilikke shygharghanyn rastady.
Óz esimining atalmaghanyn qalaghan kedenshi organda qyzmet ete jýrip kóshe sypyrghanyna arlanghanyn aitty.
"Basqarma basshysy Azimovtyng núsqauymen biz aryq tazalaymyz, kóshe sypyramyz, aghash әkteymiz. Bir qyzyghy, bireu-mireu súray qalsa, biz mahallanyng erikti belsendileri retinde tanystyruymyz kerek boldy. Formamyzdy sheship, senbilikke ýy kiyimin kiyip keludi tapsyrdy", - dedi basqarma qyzmetkeri.
"Ferghana basshysy Shuhrat Ganiyev 9 mamyrda oblys әkimdigi ghimaratynda ýlken jinalys ótkizdi. Ol Ferghana oblysyna preziydentting kelui qarsanynda әrbir jerdi tazalaudy tapsyrdy. Ol әrbir basshygha, sonyng ishinde keden organyna da tazalanuy qajetti jerdi bólip berdi. Ol jerler dúrys tazalanbaghan jaghdayda, oblys basshysy mekeme bastyqtaryn júmystan shygharam dep qorqytqan", - dedi oblys әkimshiligining ókili.
Ayta keterlik jayt, Ferghana oblysynda budjet qyzmetkerleri mәjbýrli týrde senbilikke shyqqan kýni ózbek ýkimeti mәjbýrli enbekpen kýresu turaly qauly qabyldaghan.
Ýkimet qújatynda memlekettik qyzmetkerlerdi kóshe tazalau nemese maqta teru sekildi júmystargha mәjbýrli týrde shygharugha bolmaytyny turaly aitylghan. Qaulyda memlekettik organdardan, sonyng ishinde bas prokuratura men enbek ministrliginen múnday ýrdisti dogharu ýshin qajetti shara qoldanu talap etilgen.
Abai.kz
