Särsenbi, 23 Qazan 2019
1842 1 pikir 30 Säuir, 2018 sağat 11:28

Elşilik "Qazaqstanda AQŞ äskeri bazası aşıladı" degen mälimetti teristedi

Qazaqstannıñ Reseydegi elşiligi Mañğıstau oblısındağı Aqtau jäne Qwrıq porttarında "AQŞ äskeri bazası qwrıladı" degen aqparattı joqqa şığardı.

"Reseydiñ aqparat qwraldarı men internet resurstarındağı mwnday aqparattardı negizsiz, oydan şığarılğan jalğan habar dep sanaudı swraymız" delingen elşilik mälimdemesinde.

Elşilik soñğı künderi Reseydiñ aqparat qwraldarında jariyalanğan "AQŞ äskeri-teñiz küşteri Qazaqstannıñ Kaspiy teñizindegi porttarın paydalanadı jäne Qazaqstan aumağında äskeri baza saladı" degen aqparattıñ şındıqqa say kelmeytinin mälimdedi.

Parlamen ötken aptada Auğanstanda twraqtılıq ornatu jäne qalpına keltiruge qatıstı Qazaqstan men AQŞ ükimetteri arasındağı Qazaqstan aumağındağı temirjol arqılı kommerciyalıq jük tasımaldau turalı kelisimge özgerister engizu jönindegi hattamanı maqwldağan. Elşilik mwnday aqparattıñ tarauına osı kelisim sebep bolğanın aytıp, osı siyaqtı kelisimdi bwğan deyin AQŞ-pen Resey biligi de otırğanın atap ötti.

Abai.kz

1 pikir