13 -15 sәuir aralyghynda Sýleyman Demiyrel atyndaghy Uniyversiytette VI  Halyqaralyq «INFOMATRIX–ASIA» kompiuterlik jobalar barysy ótti. Búghan alys-jaqyn shetelderden 450-den asa mektep oqushylary qatysty. Jas daryndarymyz aqparattyq tehnologiya, baghdarlamalau, robototehnika, tehnologiyalyq dizayn jәne qysqametrajdy beyne týsirilimder, kompiuter óneri siyaqty týrli baghyttargha qatysuda. 

Qazaq elin әlem júrtshylyghy tanyp, bilim salasyndaghy jogharghy jetistikterine qanyghyp, talaby zor órenderin erekshe baghalay týsu ýshin búl halyqaralyq jarystyng manyzy zor-aq.

Elimizding atynan qatysyp jatqan daryndarymyzdyng enbekteri de joghary baghalaugha layyq.  Jahandu ýrdisindegi aqparattyq tehnologiyalardyng qaryshtap damuynyng ózi talantty jastardyng qabiletterining barynsha jetiluine әserin tiygizedi. Sol sebepten songhy uaqyttar da elimizde ghylym-bilim salasyna basa nazar audaryp keledi. Tehnologiyalardyng joghary dengeyge kóterilui elimizding alpauyt eldermen bәsekege qabilettiligin artyratyny sózsiz. Jarys qatysushylary búl joba da qay uaqytta bolsyn ghylym-bilimning tili barlyghyna týsinikti jәne armandary ortaq daryndardyng baghyt alghan joldary da bir ekenin dәleldedi. Endeshe, el ertenining tizginin ústaytyn, talanttarymyzdyng jasaghan jobalarymen tanysyp, baghasyn bereyik.

Qydyrbaeva Nazira,  Aqtau qalasy, Nazarbaev ziyatkerlik mektebi, 10 synyp:

-Búl jerde qysym datchiygi bar. Qolynyzdy qimyldatqan kezde, búlshyq etteriniz jiyrylady. Birinshi, eng ýlken mәnin tandap alady. Jibergen kezde, ol ashylady. Búl qúrylghyny siz qolynyzgha ornata alasyz. Qoly joq jandar búlshyq etterimen basqarady. Júdyryq júmylyp ashylady. Men búny 1 ay kóleminde jasadym. Bolashaqta patenttep satylymgha shygharghym keledi. Sebebi, mýgedek jandargha búnday qúrylghyny alu qoljetimdi baghada bolady. Endigi armanym, bolashaqta búlshyq etterding әrbir tamyryn zerttep, әr sausaqqa bólek júmylatynday etip jasau.

Biz kýndelikti ómirde 12 mýshemiz sau bolghandyqtan mýgedek jandardyng jaghdayyn kóp oilay bermeymiz. Sol jandargha kómek  retinde osyny úsynghym keledi. Múnyng qiyndyghy ortasha. Negizgi satylymdaghy baghasy 500 myng tenge. Al meniki 100  myng tenge túratyn bolady. Sebebi, men qysym datchiygin óz qolymnan jasadym.

Ámire jәne Quanysh, Taldyqorghan qalasy, Bilim Innovasiya Liyseyi:

-Mening jobamnyng aty «Umnyy perehod» atalady. Adam kirgen kezde búl belgiler ashylyp, mashinalardyng baghdarsham belgisinde qyzyl janatyn bolady. Yaghni, adamnyng kirgenin birden sezdiredi. Adam kirgende bir-birine baylanys barady, adam joq bolsa myna shettegiler jabylyp, mashinalar óte beruge bolady. Búl jobany oilap tabugha  4 kýndey uaqyt ketti. Negizgi maqsatymyz – býgingi tanda kóp oryn alatyn kólik oqighalaryna biraz bolsyn shekteu qoyyp, adamdardyng qauipsizdigin qamtamasyz etu.

Sadykova Karina, Torganbekova Gauhar Astana qalasy, Respublikalyq fizika-matematikalyq mektep, 10 synyp:

-Bizding jobamyzdyng atauy  «SmarTabs»dep atalady.  Búl eki qúrylghydan túrady. Biri ýlken, ekinshisi kishkentay. Ýlkeni eki-ýsh adamgha arnalghan. Kishkenesi bir adamgha arnalghan. Songhysy  sayahattaudy únatatyn jandar ýshin. Búl jobany oilap tabuymyzgha sebep bolghan menin  Gauhar qúrbymnyng әjesi dәrilerdi shatastyryp, uaqytyn este saqtay almaytyn. Demek, býgingi tanda búl ózekti mәsele bolyp tabylady. Kez-kelgen nauqas ózining dәrisin uaqytynda iship jәne olardy shatastyrmaytyn bolady. Búny jasaugha bizge 20 mynday ghana qarajat ketti. Sondyqtan satylymdaghy baghasyda qymbay bolmaydy.

Amanbaev Jasúlan, Astana qalasy № 3 mektep gimnaziyasy:

-Mening jobam «Robot qúiylghyshy». Búl robot kirpishter arqyly zәulim ýilerdi qúrastyrady. Bolashaqta modeli Úzyndyghy men eni – 50,  biyiktigi – 2 metrge deyin apara alamyz. Jer ýilerdi qúrastyru ýshin 4 metrge deyin aparugha bolady. Ol ýshin 120-100 sm bolady. Bolashaqta arnayy 3 D modeldik  baghdarlamasymen jasalady. Kompiuter arqyly dizayn jasalyp, kirpishterding úzyndyghy men eni, biyiktikterin berip, ózi matematikalyq algortimmen qúrastyra beredi. Oilap tabugha 7 aiday, qúrastyrugha 5 kýn ketti. Baghdarlamasyn qúy eng qiyny boldy. Robot adamnyng enbegin jenildetuge arnalghan jәne ýilerdi tez-tez qúrastyru ýshin jasalghandyqtan da baghasy da qymbat bolmaydy. Álemde dәl osyghan úqsas  Sem degen robot bar. Ol tek kirpishting bir jaghyn qúrastyrady. Meniki kez-kelgen jerde týrip, qalap bere alady.

Kenesbekov Álimanjan, Nazarbaev ziyatkerlik mektebi:

-Búl jobanyng atauy «QiVita». Búl aqyldy qolghap pen braslet. Ol adamnyng diagnozyn ólshep, ony smartfongha jiberedi. Sonymen qatar kez-kelgen dәriger arnayy baza arqyly óz emdeulishisining diagnozyn kórip, tipti sol adammen baylanysqa shygha alatyn bolady.

Jobany jasaugha jarty jylday uaqyt ketti. Biz ony 4 aida iske asyrdyq. Jobany jýzege asyrugha barlyghy 98 dollar shyghyn júmsaldy. Biz ony 38 dollargha satatyn bolamyz.

Aymaghanbetov Bauyrjan, Nazarbaev ziyatkerlik mektebi, Aqtau qalasy:

-Mening jobam « TUYSKZ» dep atalady. Negizi jobada adamdar tirkelip, óz loginderimen chatqa kiredi. Ári qaray óz rulastaryn, jaqyn jandaryn taba alady. Jobany 3 aptaday jýzege asyrdym. Basqa chattardan ereksheligi Otandyq ónim jәne Qazaq elindegi әrbir adamnyng erkin jәne memlekettik tilde qoldanuyna kómek beredi. Mysaly, sheteldegi qandastarymyzben de baylanys ornata alamyz. Búl bolashaqta PlayMarket-ke salynatyn bolady.

Jorabekov Jәnibek, Aqtau qalasy, Nazarbaev ziyatkerlik mektebi, 10 synyp oqushysy:

-Búl jobam kózi kórmeytin mýgedek jandargha arnalghan. Ár әrip 6 nýkteden túrady. Sausaqtarymen jýrgizu arqyly aqparat alatyn bolady. Keybir mektepterde oqushylargha oqu materialdary, kórkem әdeby shygharmalar jetispey jatady. Bizde qarapayym jәne tiyimdi aqparattar әleumettik jelide ornalasqan. Sol aqparattardy dúrys qoldanyp, sol jandardyng ómirin jenildetu ýshin búl qúrylghyny oilap shyghardym.

Búl qoljetimdi, әri arzan. Sebebi, barlyghyn arzan qúrylghylarmen jasadym. Osynday jobalar shetelde de bar. Alayda olar óte qymbat. Mening jobam 30 mynnan aspaydy. Jasaugha kóp uaqyt ketedi. Bir әripti bir tesip, әr 26 әripti arnayy baghdarlamalyq kod jazylu kerek. Búl shaghyn jәne shekteuli týrde aqparat shygharady. Bolashaqta búl ýlken paraqta aqparat jazyp shygharatyn bolady. Maghan baghyt berip, kómektesken Baqytjan Múhamedúly. Sonymen qatar, búny ýlkeytken kezde baghasy da ózgeretin bolady. Bir ereksheligi búny men latyn qaripteri negizinde jasadym. Búl bolashaqtyng súranysy bolyp tabylady.

Jarasbay Mәjit, Nazarbaev ziyatkerlik mektebi, Aqtóbe qalasy:

-Búl balalardyng oiyn alanqayy. Biraz kompenenteri bar. Onyng latyn alfaviyti bar. Búl balalardyng qazirden bastap búghan ýirene berui ýshin qajet. Búl joba barlyq qalalarda ornalatyn bolady. Olarda estip, kóretin mýmkindikteri bolady. Mysalgha K әrpine jaqyndatsaq, ol kerikti kórsetedi. Sonymen qatar, búl kýnnen energiya alu arqyly da júmys jasay alady.

Kógershin Tilegen

Abai.kz