Búghan deyin Qostanaygha qaray ontýstik ónirden kósh qozghalghanyn jazghanbyz. Onyng birden jappay sipat aluy onay emes, әriyne. Alayda qazirding ózinde osynda 30 otbasy at basyn tiredi. Búlar negizinen oblysymyzdyng ontýstik óniri bolyp sanalatyn Áuliyekól jәne Jitiqara sekildi audandaryna ornalastyryldy. Al Qarabalyq, Fedorov tәrizdi soltýstik tústary әzirge iygerilmey jatyr. Degenmen múnda da iygi ózgeristing nyshany bayqalady.

Ótken jyldyng sonyna taman túrghyndary týgelge derlik basqa últtar qúraytyn Fedorov audanynyng Kostryakov atty sharuashylyghyna shyrayly Shymkent qalasynan bir jas otbasy kóship keldi. Búl sapargha Qayrat Orazov pen Júldyz Seydulla atty tepse temir ýzetin jastaghy jas júbaylar tәuekel etipti. Olar Shymkentten shygharda qazan aiynda kýn otyz gradus ystyq bolsa, múnda olardy qystyng qara suyghy men borany qarsy aldy.

– Bizding jaqta qys bolmaydy ghoy. Suyghy ary ketse, myna qazirgi sizderdegidey, tek ylghaly basym. Sondyqtan suyqtau kórinedi. Al búl jaqta qys týskende 30 gradus ayazgha deyin baratyn kórinedi. Alayda biz oghan saqaday-say dayynbyz. Ázirligimiz oidaghyday, – deydi Qayrat senimdi týrde.

Minekey soltýstikke qaray kóshuge bel bughan azamattyng qanday da qiyndyqqa tas týiin dayyndyghy bizdi de tәnti etti.

Qayrat pen Júldyz Tolghanay men Altynay atty egiz qyz balany tәrbiyelep, ósirip otyr. Shymkentte olar ata-analarynyng qolynda túrypty. Túraqty júmys tabyla qoymaghan. Pәter mәselesi de sheshilui de ekitalay dýniyege ainalghan. Sosyn osy jaqqa bet alugha bel buypty. Múndaghy túrmys jaghdaylaryna riza. Alghan ýileri ortalyq jylu jýiesine qosylghan. Júldyz múnda feldisher bolyp ornalasty. Túrghyndar da riza. Búrynghy maman osydan bir jyl búryn ózge jaqqa ketip qalyp, túrghyndar oghan zaryghyp otyrghan-dy. Qayrat bolsa osyndaghy jauapkershiligi shekteuli seriktestikke jýrgizushi bolyp  qabyldandy. Qyzdary osyndaghy bala-baqsha qabyldaghan.

Fedorov audanyna kóship kelgen osy jalghyz otbasy aldaghy tirshilikke múqiyat dayyndaluda. Endi siyr satyp alyp, jeke sharuashylyghyn da dóngeletpek. Amandyq bolsa, kóshimiz de molayyp, Qayrattardyng da qatary kóbeymek. Óitkeni biylghy jyldan bastap, bes jyl ishinde oblysymyzgha 10 myng otbasy qonys audaratyn bolady. Qostanaydy betke alyp, kóshindi týze, qazaq balasy!

Jaybergen Bolatov

Abai.kz