Särsenbi, 23 Qazan 2019
Anıq 5850 34 pikir 30 Qaraşa, 2017 sağat 15:34

Nazarbaev köşesi jaylı körşiler ne deydi?

Bügingi künniñ bas taqırıbı – Almatıdağı Furmanov köşesiniñ atın özgertu boldı.  Özgergende de «Nwrswltan Nazarbaev» köşesi bolıp özerdi. Qazaqstandıq äm şeteldik BAQ bwl turalı ne dep jatır? Biz şolu jasadıq.

Äydik şahardağı osı bir köşeniñ atauın özgertu mäselesi bwrınnan beri aytılıp ta, jazılıp ta jürdi. Sovet ökimetiniñ öktem köterilisşisi D.Furmanovtıñ atauı eski odaqtıñ twsında berilgen.

61 jıl Furmanovtı wlaqtap keldik

Iä, köp jwrt tüptiñ-tübi bwl köşeniñ «Nazarbaev köşesi» bolıp özgeretinin bildi. Mine, twp-tura Prezident küni qarsañında Almatı mäslihatınıñ deputattarı şeşim şığarıp, köşe atauın özgertti.

Furmanov atauı 1956 jılı berilipti. Sodan mine, 61 jıl degende sovettik töñkerisşiniñ atı öşti. Iä, 61 jıl Furmanovtı wlıqtap keldik. Endi ol köşe Nazarbaevtıñ atında.

Bwl köşege berilgen üşinşi atau. Äuelde (qalanıñ özi Vernıy bolıp twrğan twsta) bwl köşe - Lepsi köşesi bolğan. Keyin Dmitriy Furmanovtıñ atı berilip, köşe boyına (Qwrmanğazı köşesiniñ qiılısında) byust qoyılğan.

Bwl qaladağı bastı köşelerdiñ biri. Memlekettik mwrajay, Prezidenttiñ rezidenciyası men Almatı äkimdigi ornalasqan.

«Azattıqtıñ» orıs qızmeti Prezidenttiñ qızı Dariğa Nazarbaevanıñ pikirin jariyalaptı.

«Däl mağan belgili, belgisiz sebepterge baylanıstı bwl turalı birdeñe aytu qiın. Al endi azamatşa retinde, adam retinde, 25 jılda jetken jetistigimizdi köre twra, bizdiñ liderimiz mwnday qwrmetke äbden layıq dep esepteymin», -depti deputat hanım Dariğa.

90-jıldardıñ bas şeninde Almatıdağı eski ataulardıñ deni özgerdi. Tek revolyucioner Furmanovtıñ atauı özgerissiz qalğan. Qoğam belsendileri köşe atauın özgertu turalı jii-jii bastama kötergenimen, qalalıq äkimdik qimıl bayqatpay kelgen.

Särsenbaevqa bwyırmağan köşe

Sayasattanuşı Aydos Sarım, qazir Altınbek Särsenbaev qorın basqaradı. Aydos mırza «däl osı Fumanovtı Särsenbaev köşesi eteyik degen wsınıstı mäslihatqa birneşe märte wsınğanın» aytadı.

«Soñğı kezde elimide bolıp jatqan dwnielerge aua rayı sekildi qaraymın. Qazadan bes jıl ötkende ğana atauğa boladı degen mäslihattıñ şeşimi boldı ğoy. Tiri adamğa köşe atın berudiñ qanşalıqdı dwrıs-bwrıstığın uaqıt körsete jatar. Endi de desek te, bizdiñ bilik sonday. Qoğam da sonday. Basqa ne aytuğa boladı?..», - deydi sayasattanuşı.

Bizden wsınıs: Almatıda Dostıq deytin köşe bar. Wzındığı - 8000 metr. 1995 jıldıñ jeltoqsanınan beri "Dostıq" dep atalıp keledi. Dostıq dañğılınıñ negizi 1919 jılı qalanğan.

Bwrın bwl köşeni General Kolpakovskiydiñ, sosın Leninniñ atımen atağan. Bwl da keñestiñ sarqınşaq atauı. Dätti bilik Dostıq köşesine qoğam qayratkeri Altınbek Särsenbaywlınıñ esimin berui kerek.

«RIA Novosti» agenttigi bılay dep jazadı: «qala äkimi Bauırjan Baytektiñ aytuınşa, Täuelsiz Qazaqstannıñ negizin qalağan Elbasına Furmanov köşesin beru turalı wsınıtı qazaq intelegenciyası, käsipkerler palatası, qala twrğındarı, äsirese jastar birlestikteri köp aytqan».

Almatıda Aytmatovqa da köşe beriledi

Anığında 100-ge tarta köşeniñ atauı özgerdi. Mısalı, qırğızdıñ «kabarlar.org»aqparattıq saytı Nazarbaev pen Aytmatovtıñ atı köşege berilgenin jazıp, süyinşi swrap jatır.

«Almatınıñ 42 köşesine el damuına üles qosqan qayratkerlerdiñ esimi berisle, qalğandarı geografiılıq ataular bolmaq.

Sonıñ işinde Nwrswltan Nazarbaev, Şıñğıs Aytmatov, Gerol'd Bel'ger,Talgat Bigeldinov, Sergey Kalmıkova, Qadır Mırza Äli, Sağadat Nwrmağambetov pen Käuken Kenjetaevtar bar».

Reseydiñ «novayagazeta.ru» saytı da Nazarbaevqa berilgen köşeni söz etipti.

«Furmanov köşesiniñ atauın özgertu mäselesi 2016 jılı köterilgen. Sol kezde Baybek, bwl mäsele josparda joq ekenin aytqan edi», dep jazadı.

Rasında, Almatıda 61 atı wlıqtalğan Furmanovtı alu mäselesi birneşe dürkin köterilgen. Türli wsınıstar aytılğan. Alayda Almatı mäslihatı bwl istiñ tüyinin keşe qoydı.

Aytpaqşı, Reseydiñ aqparatı, sonıñ işine «Novaya gazeta» deytin basılım: «Qazaqstannıñ aqparat alañında köşe atauın Nazarbaevqa beruge qatısı sıni pikir aytqan, jazğan adam bolğan joq», dep jazıptı.

Nazarbaev atındağı köşeler

Almatıdağı ortalıq köşe - Qazaqstan Prezidentine berilgen alğaşqı köşe emes.

2015 jılı Türkiyanıñ Adana qalasında Nwrswltan Nzaarbaev köşesi aşıldı.

Odan bölek Türkiyanıñ Qırşehir, Nevşehir, Gebze qalalarında da Nazarbaev köşeleri bar.

Däl sol jılı Tatarstannıñ Qazan qalasındağı «Esperanto» köşesi – «Nwrswltan Nazarbaev» köşesi bolıp özgerdi.

Al osıdan 10-jıldan astam uaqıt bwrın Iordaniyanıñ Astanası Amman qalası men Şeşenstannıñ Groznıy qalalarında «Nwrswltan Nazarbaev» köşesi aşılğan.

Aytpaqşı, Inguşetiyanıñ Magas qalasında da Qazaqstan Prezidentiniñ atında köşe bar.

Biıl Qazaqstan Prezidenti 77 jasta. Qazaqstanda Prezident saylauı endi 2020 jılı boladı.

Nwrgeldi Äbdiğaniwlı

Abai.kz

34 pikir