Düysenbi, 21 Qazan 2019
Alañ 3587 26 pikir 30 Qaraşa, 2017 sağat 09:41

Jastardıñ 40 payızdan astamı Qazaqstannan ketkisi keledi

"Qazaqstan jastarınıñ 40,4 payızı basqa elderge ketkisi keledi" dep mälimdedi särsenbide Astanada "Jastar" ğılımi-zertteu ortalığınıñ ökilderi. Ortalıq "Qazaqstan jastarı - 2017" bayandamasın dayındau üşin zertteu jürgizgen.

Din isteri jäne azamattıq qoğam ministrligine qarastı ortalıq qızmetkerleri saualnamağa jauap bergenderdiñ 59 payızdan astamı "Qazaqstannan köşkim kelmeydi" nemese "Qazaqstannan ketkim kelmeydi" dep jauap bergen.

"Jastar" ortalığınıñ aqparatı boyınşa, Qazaqstannıñ türli aymaqtarındağı 14-29 jas aralığındağı eki mıñnan astam adamdı qamtığan zertteu bilim jäne ğılım ministrliginiñ tapsırısı boyınşa jürgizilgen. Ortalıq zertteu jürgizuge jwmsalğan qarjı kölemin aytpadı, biraq "Jastar" ğılımi zertteu ortalığınıñ qızmetine jıl sayın 200 million teñge bölinetinin habarladı.

Ortalıqtıñ bas sarapşısı Farida Mwstaeva "Qazaqstan jastarı - 2017" bayandamasın tanıstıruda jastar sanı kädimgidey azayıp bara jatqanın ayttı. Onıñ sözinşe, 2014 jılı Qazaqstandağı jastar sanı 4 293 353 adamdı qwrasa, 2017 jılı bwl körsetkiş 3 994 464-ke kemigen.

Bayandamada 2017 jılı jastar arasında 339 öz-özine qol salu oqiğası tirkelgeni, jol-kölik oqiğalarında 250 jastıñ qaza tapqanı jäne qan aynalımı jüyeleri aurularınan 141 jastıñ qaytıs bolğanı aytıldı.

Ğılımi-zertteu ortalığı qızmetkerleriniñ sözinşe, jastar turalı bayandama twjırım jäne wsınıstarımen birge ministrlikke joldanadı.

Abai.kz

26 pikir