Almatyda kóp balaly kәsipker әiel ekonomikalyq qylmystardy tergeumen ainalysatyn mekemening mamandaryn aiyptady. Tamyz aiynda Ekaterina Kimdi oblystyq memlekettik kirister departamenti "esepshottyq fakturalardy jalghan jasady" degen aiyppen qúryqtaghan. Alayda búl aiyptaumen kelispegen kәsipker Jemqorlyqqa qarsy últtyq buro men oblystyq prokuraturagha aryzdanady. - dep habarlady Astana telearnasy.

Ol qúzyrly organ qyzmetkerlerining iri kólemde para talap etkenin taspagha týsirip alghan. Kәsibinen aiyrylyp, 60 adamdy mәjbýrli demalysqa jibergen "jas kәsipker" iske Bas prokuraturanyng aralasuyn súraydy.

Alty balanyng anasy osyghan deyin kәsibin dóngeletip kelgen. Biyl jazda qalanyng ortalyghynan jalgha oryn alyp, dýken ashady. Alayda kóp úzamay, qúzyrly organ ókilderi Ekaterinanyng qújattarynan shiykilik tapqan. Áyelding ýstinen qarjylyq qújattardy dúrys toltyrmady degen kýdikpen qylmystyq is qozghalady. Yaghny «is jýzinde júmystar oryndalmay, qyzmetter kórsetilmey, tauarlar tiyep-jóneltilmey jatyp, shot-faktura jazdy» degen aiyppen tergele bastaghan.

Kәsipkerding aituynsha, isti jabu ýshin tergeushiler iri kólemde para talap etip otyr.

Ekaterina Kiym, kәsipker:

- Men isting jariyaly boluy jәne әdil tergelui ýshin Bas prokuraturanyng aralasuyn qalaymyn. Esep-shot fakturasyn jalghan jasau faktisi boyynsha mening kómekshim qúzyrly organ qyzmetkerlerimen birigip, maghan jala japqanyn aitqym keledi. Isti jabu ýshin atalghan mekemening ókilderi para talap etip otyr. Mende ony dәleldeytin 158 dybystyq jazba bar.

Ekaterina Kim Ile audanyndaghy jalghan qújat jasau babymen aiyptalghan jalghyz adam emes. Búl iske jaqynda aralasqan tanymal advokat Djohar Utebekovting aituynsha, Almaty oblystyq kirister departamentining ýstinen osynday shaghymmen 4 kәsipker habarlasqan. Biznes iyelerin bopsalau deregi negizinde qazir Qarjy ministrligine hat dayyndalyp jatyr, deydi qorghaushy.

Djohar Ótebekov, qorghaushy:

- Jalghan esep shot-fakturalaryn jazyp, ony kәsipkerler jasady dep provokasiya jasaytyn faktilermen kóp kezdesip jýrmin. Ásirese Almaty oblysy Ile audanynda Ekonomikalyq qylmystardy tergeu qyzmeti jenil aqsha tabu ýshin qylmystyq jýie qalyptastarghanyn angharu qiyn emes.

Kәsipkerden 50 myng AQSh dollaryn talap etken oblystyq ekonomikalyq qylmystardy tergeu qyzmetining mamany anyqtalyp, júmysynan alastatylghan.

Almaty oblysynyng prokuraturasy qazir búl derek boyynsha tekseru jýrgizilip jatqanyn mәlimdedi.

Aydyn Raev, Almaty oblysy prokuraturasynyng basqarma basshysy:

- Azamatsha Kimning aryzy boyynsha qadaghalau organy tekseru jýrgizip jatyr. Qylmystyq is zerttelip, onyng uәjderi zertteledi, sosyn mindetti týrde  jauap beriledi.

Ekaterina Kim dýkenin jauyp, tauarlaryn ýiining aulasyna tasyp jatyr. Jetinshi sәbiyine ayaghy auyr әiel kez-kelgen uaqytta qamaugha alynudan qorqady. Al kepil retinde qúyatyn qomaqty qarajaty joq, sebebi onyng esep-shottary men banktik kartalary әldeqashan búghattalghan.

Rishat ASQARBEKÚLY 

Abai.kz