Beysenbi, 17 Qazan 2019
El işi... 3734 23 pikir 31 Qazan, 2017 sağat 13:10

QMDB. Almatıda halal järmeñke ötip jatır

Qazaqstan mwsılmandarı dini basqarması «Halal Damu» JŞS-i qwrılğannan beri halal järmeñke arzan bağamen ekinşi ret ötip otır. Şarağa Bas müfti Erjan qajı Malğajıwlı arnayı qatıstı.

«Bügingi järmeñke aldağı uaqıtta Qazaqstannıñ barlıq aymaqtarında da ötkiziletin boladı. Mwnday şaranı aptasına bir ret ötkizudi josparlap otırmız. Halal önimin halıqqa jetkizu, damıtu Dini basqarmanıñ bir mindeti. Halal är janwyada bolu kerek. Mwsılmannıñ dwğa tilegi qabıl bolu üşin, onıñ namazdarı tolıq bolu üşin eñ birinşi halal as twtınu kerek. Mine, osı maqsatta «Halal» bölimin aşıp, bügingi tañda jwmıstar jürgizip jatırmız. Oblıstardağı ökilder osı halal boyınşa jwmıs jasap jatır. Bizdiñ sertifikatımızdı alğan käsiporındarımızdı kündelikti qadağalap otırğan mamandarımız bar. Barlıq öndiris oşaqtarına alğıs aytamın. Bügingi järmeñkemiz sätti ötsin» dedi Bas müfti Erjan qajı Malğajıwlı.

Järmeñkege 31 käsiporın öz önimderin qoyğan.  Keluşilerge et pen süt önimderi, konditerlik jäne azıq-tülik tauarları wsınıldı.

Halıqtıñ halal önimge swranısı joğarı. Onı järmeñkege kelgen halıqtıñ qarasınan bayqauğa boladı.

Keluşiler eşqanday qospasız adal önimdi molınan alıp qaluğa tırastı. Sebebi, järmeñkege qoyılğan tauarlardıñ barlığı – tabiği taza, qwnarlı, sapalı önimder.

«Şwjıq önimderin aldım. Önimderdiñ bağası qol jetimdi. Äri halal degen belgisi bar. Halıqqa da keregi osı. Osı järmeñke jii wyımdastırılıp twrsa deymin» dedi Ärsen Baybosın.

Järmeñkede satılğan önimderdiñ bağasıda, sapasıda halıqtıñ köñilinen şıqtı. Halıq bazardan 1000 teñgege alatın şwjıqtı 750, 800 teñgege, al, siır etin – 1200, 1300 teñgeden satıp aldı.

Elimizdiñ är öñirinen kelgen halal käsiporındar sauda söresine et pen süt önimderin, konditerlik tauarlar men susındardıñ san türin qoydı. Järmeñkege kosmetikalıq önim öndiretin kompaniyalar da qatısuda. Solardıñ biri – Qazaqstanda alğaşqı qattı sabın öndiruşi käsiporın «Adal plent» JŞS. Öndirisoşağı önimderin «Sulu» degen atpen şığaradı. Kompaniyanıñ irgesi 2013 jılı qalanğan. Olar «Halal» sertifikatın alğandarına 2 jıl bolğan.

 

«2016 jılı «Halal» sertifikatın aldıq. Barlıq zerthanalardıñ tekseruinen öttik. Önimderimizdiñ barlığı tabiği, taza önim. Nätijeleri öte keremet. Elimizdegi supermarketterde, bazarlarda saudamız jaqsı jürip jatır. Dini basqarmanıñ bastamasımen ülken ister atqarılıp jatır. Käsip orınımızdıñ maqsatı elimizge taza, tabiği, halal önim wsınu» dedi kompaniyanıñ kommerciyalıq direktorı Ergen Seysebaev.

Şara soñında Bas müfti «Halal» böliminiñ öñirlerdegi ökilderi men halal käsiporındardıñ basşılarımen kezdesip, alğıs hatpen marapattadı.

Qazirgi uaqıtta «Halal Damu» JŞS-nıñ sertifikatın alğan 150-den astam käsiporın bar. Järmeñkeni aldağı uaqıtta är öñirde apta sayın wyımdastıru twru josparlanıp otır.

Abai.kz

23 pikir