Jwma, 15 Qaraşa 2019
46 - söz 2241 2 pikir 26 Qazan, 2017 sağat 10:28

"Antireklama - toje reklama" nemese qazaq qızın qorlaudı doğarıñdar!

Türli toptar men jekelegen key adamdardıñ paraqşalarınan soñğı uaqıtta şılım şegip twrğan ne qısqa kiim kigen qazaq qızın salıp, mına sarındağı sözderdi: "Oñbağan qız, ata-anası ne qarap otır" dep jazıp qoyatındardı jii bayqaymın. Onıñ astına jüz adam layk basıp, bes jüz adam pikir bildirip, qızıl keñirdek bolıp jatqanı.

Sondağı maqsatı ne? Ana qızdı tärbieleu me? Külkili. Sonşalıqtı janı aşıp bara jatsa, jañağı qızdıñ jekesine şığıp, "Qarındasım, qarlığaşım, mwnıñ dwrıs emes, bwlay etpe" dep aqılın aytsa da boladı ğoy. Joq, bas salıp topqa salu kerek, ne post jazu kerek. Al sodan etegi wzarıp, şılımı jerge tüsken qız bar ma?! Ärine, mende qazaq qızınıñ arın oylaymın. Jañağıday körinisti körgende meniñ de jüregim auıradı. Biraq tärbieleu degenimiz qateligin jwrttıñ közinşe betine basu degen söz emes.

Tärbieleu - tabalau emes! Janı aşığan adam jalpaq jwrtqa jar salmay-aq, eşkimge bildirmesten qateligin adamnıñ özine jeke aytıp, aqıl-keñesin berer. Al adamdı onıñ rwqsatınsız jerden alıp, jerge salu birinşiden mädenietsizdik, ekinşiden zañğa qayşı. Qısqası osı mäselede "antireklama - toje reklama" bolıp ketpesin. Bwl ärekettiñ özi qazaq qızınıñ arın qorğau emes, qorlau!

Ashat Qasenğali

Facebook-tegi paraqşasınan

2 pikir