Seysenbi, 22 Qazan 2019
Äleumet 4395 4 pikir 24 Şilde, 2017 sağat 00:25

 Zayırlı elde zañ söylesin!

QR Bas prokurorı Jaqıp Asanovtıñ nazarına

Oqırmanı kileñ aqın-jazuşı, jurnalister men ziyalı qauım ökilderinen qwralğan, wlı Abay atamızdıñ atındağı «Abai.kz» aqparattıq portalı ana tilimizde aqparat taratatın elimizdegi biregey sayt desek artıq bolmas. Halqına qamqor osı sayt arqılı halqına qamqor twlğalarğa jan-ayqayımızdı jetkizip, datımızdı aytu dağdımız. Sonday «datımızdıñ» biri 2017-jıldıñ 1-şildesi küni «Tospa su» tolassız söyleydi, söylegende büy deydi» degen atpen Bas prokuror J.Asanov, Joğarı sot törağası Q.Mämi mırzalardıñ atına aşıqhat türinde jarıq körgen edi. Sol aşıq hattıñ nätijesi de körine bastağanday.

Almatı qalası Bostandıq audandıq sotı 5 şilde küni sot şeşimin jariyalap, 18-şilde küni tüpkilikti nısanda şığarıldı. Sot şeşimi meniñ talap-arızımdı qanağattandırusız qaldırdı. Alayda, Memlekettik mekememiz dep memlekettiñ atın jamılğan Almatı qalası energetika jäne kommunaldıq şaruaşılıq basqarmasınıñ şaruaşılıq jürgizu qwqındağı «Tospa Su» memlekettik   kommunaldıq käsipornınıñ (äri qaray – «Tospa Su») is äreketterinde zañsızdıqtıñ bar ekenin anıqtağan sot şeşimmen birge «JEKE WYĞARIM» şığardı. Sottıñ aytuı boyınşa şığarılğan «JEKE WYĞARIM» negizinde Bostandıq audandıq prokurorı tekseris jürgizip, tekseris nätijesinde is anıqtalsa bizdiñ talap-arızımız boyınşa qayta şeşim şığarıladı eken. «JEKE WYĞARIM» jaydan-jay şığarılmağanı belgili. «Tospa Sudıñ» jalğan AKT, jalğan dälel, tipti, sot barısındağı däleldemelerdi bwrmalau faktileri biz wsınğan is materialdarında közge körinip twr. Tek tergeu-tekserudi dwrıs jürgizse bolğanı istiñ beti aşıları anıq. Al osı isti qarau jwmısı endi prokuraturanıñ qwzırına berildi. Öz injeneri sot barısında özi jazğanın moyındağan, «Tospa Sudıñ» möri basılğan AKT-tıñ özin «bizde onday AKT tirkelmegen, özderiñ jazıp otırsıñdar» dep dalağa söylep otırğan «Tospa Sudıñ» qarap otırması anıq. Qarsı tarap apellyaciyalıq şağım tüsirui äbden mümkin.

Qwrmetti Bas prokuror! Öziñiz osı qwzırlı orınnıñ tizginin qolıñızğa alğan kezde memlekettik mekemelermen sottasqan azamattardıñ 80-payızı jeñilis tabatının tilge tiek etip, sınğa alğan ediñiz. Mine sonday memlekettik mekemeniñ biri bizben betpe-bet beldesip jatqan jayı bar. Zayırlı elde zañnıñ twğırı berik, tuı biik boluı kerek. Azamattıq qoğamda aqiqattan attamağan adamnıñ qwqın qorğaydı dep qwzırıñızğa hat joldap qwlağdar qılıp otırmın. «JEKE WYĞARIM» şığarıldı. Endi ol qarsı taraptıñ qarsılığına qaramastan keri qaytarılmay istiñ aqiqatı aşıluı kerek. Ümitimiz öziñizde. Bwl isti tipti, İİB-na da tapsırmastan öz qwzırıñızdağı Bostandıq audandıq prokuraturası jan-jaqtı, ädil tekserse degen ötinişimizdi jerge tastamaydı dep senemiz.

Birlik TOQAY

Abai.kz

 

4 pikir