Beysenbi, 17 Qazan 2019
Bilik 2537 1 pikir 30 Mausım, 2017 sağat 10:04

Jetisu öñirinde 120 balalar üyiniñ tärbielenuşilerine jinaqtau depoziti aşıldı

Memlekettik bilim beru jinaqtau jüyesi – joğarı oqu ornınan depozittik jüye boyınşa bilim aluğa jäne halıqqa qoldau körsetuge arnalğan memlekettik bağdarlama. Bwl bağdarlama arqılı elimizdiñ  ärbir azamatı Qazaqstanda nemese şetelde oquı üşin aqşa jinaqtauğa mümkindik aladı. Osı jaylı Almatı oblısınıñ öñirlik kommunikaciyalar qızmeti alañında  «Qarjı ortalığınıñ» menedjeri Alpamıs Satıbaldin bayandadı.

«Qazaqstanda 2013 jıldan bastap Memlekettik bilim beru jinaqtau jüyesi (MBJJ) öz qızmetin bastadı. Jüyeniñ operatorı «Qarjı ortalığı» AQ bolıp tabıladı. Bügingi tañda 15 mıñğa juıq bilim beru jinaqtau salımı aşıldı. Bilim beru jinaqtau salımına MBJJ-ğa qatısuşı bankten ay sayın jıldıq 10% sıyaqı men jıl sayın memleketten 5% nemese 7% şamasında sıylıqaqı esepteledi», - dedi Alpamıs Satıbaldin.

Astanalıq «Qarjı ortalığınıñ» Jetisu jerine birneşe maqsattarmen kelgeni aytıldı. Olar: Almatı oblısınıñ jastar sayasatı mäseleleri basqarması men QR Bilim jäne ğılım ministrligi janındağı «Qarjı ortalığınıñ» arasındağı memarandumğa qol qoyu jäne «Aynalayın» balalar üyiniñ 7 tärbielenuşilerine  bilim beru jinaqtau salımın aşu.

«Qazirgi tañda balalar üyinde 131 bala tärbielenude. Sonıñ işinde Memlekettik bilim beru jinaqtau jüyesi boyınşa 120 tärbielenuşige jinaqtau depoziti aşılğan. Basqa audan balalarına da oqu depozitteri qarastırılğan. Bwl balanıñ mektep bitirgen soñ  kedergisiz qalağan oqu ornına tüsuine kömekşi», - dedi «Aynalayın» balalar üyiniñ direktorı Seysenbaeva Jadıra.

A. Oralbekova, Almatı oblısınıñ öñirlik kommunikaciyalar qızmeti

Abai.kz

 

1 pikir