Särsenbi, 20 Qaraşa 2019
Jañalıqtar 2272 0 pikir 28 Mausım, 2017 sağat 17:56

"Petya.arh": Birneşe memlekettiñ ükimettik komp'yuterlerine şabuıl jasaldı

27 mausımda birneşe eldiñ energetikalıq, telekommunikaciyalıq kompaniyalarına, sonday-aq memlekettik organdarına auqımdı virustıq şabuıl (PETYA.A şifrlauşı virusı) jasaldı. Atalğan virus birinşi kezekte Ukrainanıñ ükimettik komp'yuterlerine, olardıñ banktik jüyelerine, sonday-aq Çernobıl' AES-ğa şabuıl jasaldı.  Eñ ülken nwqsan keltirilgen on eldiñ qatarında: Ukraina, Italiya, Izrail', Serbiya, Vengriya, Rumıniya, Pol'şa, Argentina, Çehiya jäne Germaniya.

Alınğan derekter boyınşa zaqımdau fişingtik habarlamalar (Petya.apx faylı) nemese M.E.doc buhgalterlik bağdarlamasın jañartular arqılı jürgiziledi. Sodan keyin virus WannaCry ädisterine wqsas «DoblePulsar jäne EternalBlue arqılı» lokal'dıq jeli boyınşa taraydı. Virus komp'yuterleri bwğattap, binkoinmen 300 dollar töleudi talap etedi.

KZ-CERT  komp'yuterlik incidentterge äreket etu qızmeti virustıñ Qazaqstan Respublikası aumağında taraluına jol bermeu maqsatında saytta jäne äleumettik jelilerda habarlama jariyaladı, sonday-aq baylanıs operatorlarına, «WAT» AQ men  Astana Ekspo-2017 aqparat jiberildi. Qızmettiñ wsınımdarı 1024-1035, 135 jäne  445 TSR-porttarın jabu men Server Message Block (SMB) jelisindegi derekterdi jiberu hattamasın ajıratudı qamtidı.

Bwdan basqa, şifrlauşı paydalanatın osaldıqtardı jabatın MS17-010 jañartudı ornatudı qatañ türde wsınıladı.  Zaqımdalğan jağdayda komp'yuterdi ajıratpay, qwrılğını Internetten ajıratıp gibernaciya rejimine auıstıru wsınıladı.

Aqparat jäne kommunikaciyalar ministrligine, sonday-aq vedomstvolıq wyımdarğa, atap aytqanda KZ-CERT qızmetine Qazaqstan Respublikası aumağında komp'yuterlerdiñ zaqımdalğanı turalı aqparat kelip tüsken joq.

Qazirgi uaqıtta Internetke qol jetkizudiñ birıñğay şlyuzine qosılğan memlekettik organdardı atalğan virustan qorğau boyınşa barlıq qajetti şaralar qoldanılıp jatır.

Respublikası Aqparat jäne kommunikaciyalar ministrliginiñ

«Memlekettik tehnikalıq qızmet» ŞJQ RMK baspasöz ortalığı

Abai.kz

0 pikir