Jwma, 15 Qaraşa 2019
Jañalıqtar 3314 3 pikir 28 Mausım, 2017 sağat 15:13

Telibekovtiñ Mwsılmandar odağı Zañsız qwrılğan ba?

Özin Qazaqstan Mwsılmandar Odağınıñ törağasımen dep tanıstırıp jürgen Mwrat Telibekovtiñ bası tağı da dauğa qaldı.

Keşe Mwrat Telibekov öziniñ "Feysbuk" jelisindegi jeke paraqşasında birtürli jazba jariyaladı.

"Erteñ  Almatı qalalıq Äkimşilik sotında (Timiryazov-Markov), sağat 11:00-de meniñ sotım boladı. 220 000 teñge ayıppwl salmaqşı. Qazaqstan Mwsılmandar odağınıñ tirkeuin policiya dwrıs emes dep esepteydi eken. Kelemin deuşilerdi şaqıramın. Kiru tegin. Tegin samsa men mineraldı su taratamın. Än men bi boladı...", - dep jazdı daulı odaqtıñ törağası.

Rasında Mwrat Telibekov mırzanı Prezidenttikke kandidat därgeyine deyin jetelegen osı bir odaqtıñ Zañsız qwrılğandığı jöninde birazdan beri aytılıp jür.

Sonımen Telibekovtiñ odağı tirkelgen be, älde joq pa? Bügingi sot qanday şeşim şığardı? Biz Mwrat Telibekov mırzanıñ özinen swrap bildik.

"Sot şeşimi boyınşa 100 Aylıq eseptik körsetkişte ayıppwl saldı. Men barlıq tiisti qwjattardı körsettim. Sot processiniñ auanı birinşi otırısınan keyin-aq, belgili boldı. Men prokurorğa keri şağımdandım, şegerip tastadı. Sotqa keri şağımdandım, onı da şegerip tastadı. Öz sözimde men, mwnday jağdaydıñ sot jüyesin diskredittep qana qoymay, elimizdiñ imidjine nwqsan keltiretinin ayttım", - dedi Mwrat Telibekov.

Esteriñizge sala keteyik, Mwrat Telibekovtiñ Mwsılmandar odağına qatıstı daudıñ biri 2011 jılğı Prezident saylauı twsında şıqqan.

2015 jılı Qazaqstan mwsılmandarınıñ dini basqarması arnayı mälimdeme jasadı.

"Bizdiñ swrauımız boyınşa Dini basqarmağa Ädilet ministrligi tarapınan resmi jauap hat kelip tüsti. Osı hatta «Qazaqstan mwsılmandar Odağınıñ» wyım retinde eş jerde tirkelmegeni körsetilgen.

Sonday-aq, M.Telibekov qanday da bir dini birlestiktiñ basşısı ne bolmasa müşesi retinde tirkelmegen. Osı orayda, QMDB M.Telibekovtıñ özin «Qazaqstan mwsılmandar odağınıñ» basşısı retinde aytuğa jäne tirkelmegen wyımnıñ atınan söyleuge qwqığı joq dep sanaydı", - dep jazılğan resmi mälimdemede.

Abai.kz

3 pikir