Jwma, 15 Qaraşa 2019
Bäse... 9181 25 pikir 28 Mausım, 2017 sağat 13:29

Qıtaydağı qandastardıñ jayına Germaniya parlamenti alañdap otır

Qandasımız Ömirhan Altınnıñ Astanada ötken Düniejüzi qazaqtarınıñ besinşi qwrıltayında kezekten tıs sözge şığıp, Elbası Nwrswltan Nazarbaevtiñ aldında Qıtay memleketi qazaq ağayındarğa soñğı uaqıttarda körsetken zwlımdıqtarı, jasalıp jatqan qısımdarı turalı aytqan sözderi Germaniyadağı sayasatkerlerdi de eleñ etkizdi, - dep habarlaydı Abai.kz aqparattıq portalı.

Bavariya parlamentiniñ adam qwqıqtarı salasındağı belgili müşesi, "Jasıldar" partiyasınan saylanğan deputat Margarete Baues hanım men Ömirhan Altın

Bavariya parlamentiniñ adam qwqıqtarı salasındağı belgili müşesi, "Jasıldar" partiyasınan saylanğan deputat Margarete Baues hanımnıñ keñesşisi  Ömirhan Altınmen Parlament üyinde jeke kezdesip, Qıtaydağı qazaqtarğa jasalıp jatqan zañsızdıqtar men qısım-qudalaular turalı mälimetter swrap, aldağı uaqıtta bwl mäselege jalpı Germaniya men Europadağı adam qwqıqtarın qorğauşılar basa nazar audaratındarın mälimdegen.

Redakciyadan. Soñğı kezderi Qıtay memleketi sol elde twratın qazaq wltına degen sayasatın özgertkeni turalı türli derekter jariyalana bastadı. Ol jaqtağı qandastar bastarın bäygege tigip, özderi körip otırğan qısımdı jariyalay alması anıq. Qandastarımız sol sebepti amaldıñ joğınan barlıq zañsızdıqqa könuge mäjbür. Bizdi sonau Germaniyadağı sayasatkerler qazaqtıñ qwqığın qorğap, boztorğayday şırıldap jatqanda öz deputattarımızdıñ läm-mim demey otıruı namıstandıradı. El emes pe edik? Elbası Sırtqı ister ministrligine tapsırma bergeli birneşe kün ötti. Ol jaq äzirge tınış. Bwl tınıştıq wzaqqa sozılmasa eken dep tileymiz. 

Qanat Birlikwlı

Abai.kz

25 pikir