Beysenbi, 12 Jeltoqsan 2019
Jañalıqtar 2091 0 pikir 2 Mausım, 2017 sağat 18:18

Onomastika mäseleleri talqılandı

Bügin Şımkent qalasında «Onomastika salasındağı jwmıstardı wyımdastırudıñ özekti mäseleleri» attı respublikalıq seminar ötti, - dep habarlaydı Abay-aqparat.
Qazaqstan Respublikası Mädeniet jäne sport ministrligi Tilderdi damıtu jäne qoğamdıq-sayasi jwmıs komitetiniñ Ş. Şayahmetov atındağı tilderdi damıtudıñ respublikalıq üylestiru-ädistemelik ortalığı wyımdastırğan şarada onomastika mäseleleri talqılandı.
El täuelsizdigin alğanan beri 2500-den asa atau özgertilgen. Atap aytsaq, 1107 bilim beru, mädeniet, sport, densaulıq saqtau wyımdarı, 23 qala men audan atauı, 1361 eldimeken jäne 20- mıñğa juıq köşe atauları qayta räsimdelgen. Bwl turalı seminar barısında moderator QR Mädeniet jäne sport ministrliginiñ Tilderdi damıtu jäne qoğamdıq-sayasi jwmıs komiteti törağasınıñ orınbasarı Ğ. Meldeşov mälimdedi.

Basqosudı Oñtüstik Qazaqstan oblısı äkiminiñ orınbasarı E. Sadır öñirdegi onomastika salasında jürgizilip jatqan jwmıstarğa qısqaşa toqtalıp ötti. Jiın barısında filologiya ğılımdarınıñ doktorı, professor M. Mırzahmetwlı onomastikanı dağdarıstan şığaru joldarın qarastırıp: «Onomastika halıqtıq, otarşıldıq, totalitarlıq bolıp bölinedi. Bügin biz otarşıldıq toponimikamen küres jürgizip jatırmız. Biraq jeterine jete almay kelemiz. Pavlodardı, Petropavldı özgertu kerek. Al oğan bas köteruge bilikte otırğandardıñ basım böligi sovettik sanamen qalıp qoyğandar. Sondıqtan mwnı dauısqa salıp, sozbaqqa salmay, özgertip tastau kerek» - dedi.

Sonday-aq, sayasattanuşı Dos Köşim türli etnos ökilderi mekendeytin auıl-aymaqtardağı onomastika mäselesine alañdaytındığın jetkizdi.

- Erteñ birneşe etnos ökili twratın audandarğa sol wlttıñ azamattarınıñ atı berilip, eskertkişteri ornatılatın bolsa, onda biz unitarlı, qazaq eli bola almaymız. Sondıqtan mwnı bayqauımız kerek,- deydi ol. Sonımen qatar sayasatker ataulardı auıstıruda ünem jasau qajettigin qaperge saldı.

- Bir köşe auıstırılatın bolsa oğan 1 mln teñge jwmsaladı. YAğni 10 köşege 10 mln teñge ketedi. Al bwl somamen birden 100 köşeni auıstıruğa boladı. Nege biz är rette birli-ekili köşe atın auıstırmay, ä degennen birge auıstırıp, el qazınasın ünemdemeske,- deydi ol.

Şara soñında onomast-mamandar is barısında kezdesetin kedergilerdi ortağa salıp, pikir almasıp, ortaq şeşimin taptı. Seminar jwmısın Ğ. Meldeşov: «Aldağı uaqıtta seminar barısında köterilgen mäselelerdiñ oñ şeşimi tabıladı» - dep tüyindedi.

Abay-aqparat

0 pikir