Senbi, 19 Qazan 2019
Ekonomika 1366 0 pikir 29 Mamır, 2017 sağat 11:45

Ömirzaq Şökeev: Direktorlar keñesi müşeleri qabıldağan şeşimderine özderi jauap beredi

«Samrwq-Qazına» qorınıñ direktorlar keñesi müşeleri qabıldağan şeşimderine özderiniñ bet-bedelderimen jauap beredi.

Bwl turalı «Samrwq-Qazına» qorınıñ basşısı Ömirzaq Şökeev qordı transformaciyalau nätijelerin tanıstıru räsimi kezinde ayttı.

«Direktorlar keñesi – bwl eñ joğarğı deñgey, al direktorlar keñesi müşeleri – eñ sıylı adamdar. Olar qwqıqtıq twrğıda ğana emes, sonımen qatar abıroylarımen de jauap beredi. Direktorlar keñesi qabıldağan kez-kelgen şeşim olardıñ bedeline äser etedi», - dep Şökeev jinalğan äriptesteriniñ esine saldı.

Wlttıq kompaniyalarda direktorlar keñesiniñ şeşim qabıldaudağı röli  transformaciyalau ayasında küşeydi. Bağdarlamanıñ aldığa qoyğan tapsırmalarınıñ biri – kompaniyalardı älemdik standarttarğa, sonımen qatar Ekonomikalıq seriktestik jäne damu wyımı standarttarına säykestendiru. Bwl öz kezeginde, qordıñ özi men enşiles kompaniyalarında korporativtik basqaru qağidattarın qayta qaraudı talap etti.

«Transformaciya «Qazaqstan Temir Jolı» AQ direktorler keñesine tikeley esep beretin joba retinde bizge, täuelsiz direktorlar men direktorlar keñesiniñ basqa da müşelerine kompaniya jwmısın iştey köruge köptep kömektesti», - dep atap ötti «QTJ» AQ WK täuelsiz  direktorı Kristian Kun.

Ol direktorlar keñesine degen közqaras pen onıñ kompaniyağa ıqpalı qalay  özgergenin aytıp berdi.

«Sırtqı keñesşilerdiñ kömegimen kompaniya strategiyası qayta qaraldı. Sonday-aq, nätijesinde biz ol strategiyanı bwrın özimizde bolğan modelden äldeqayda jaqsıraq, wyımdastıruşılıq modelge transformaciyaladıq. QTJ osılay isteu kerektigin biletin, alayda transformaciyasız osınday jwmıstı, mañızdı özgeristerdi bastauğa mümkindik bolmadı», - dep Kun sözin jalğadı.

Esteriñizge sala keteyik, «Samrwq-Qazına» qorın transformaciyalau bağdarlaması resmi türde 2014 jıldıñ qazanında bastalğan. Qazirgi uaqıtta bağdarlamanı altı wlttıq kompaniya iske asırıp otır. Olar  –  «QTJ» AQ WK,  «QazMwnayGaz» AQ WK, «Qazatomprom» AQ WAK, «Samrwk-Energo» AQ, «KEGOC»  AQ jäne «Qazpoçta» AQ.

0 pikir