Seysenbi, 10 Jeltoqsan 2019
Jañalıqtar 3626 3 pikir 2 Mausım, 2017 sağat 18:00

EKSPO turalı ösek taratqandar jauapqa tartıluı mümkin

«Astana EKSPO-2017» Wlttıq kompaniyası jalğan aqparat taratuşılarğa qatıstı qılmıstıq is qozğaudı swrap otır. Bwl turalı «Zakon.kz» portalı habarladı.

Birneşe künnen beri «WhatsApp»  arqılı EKSPO-2017 körmesi jaylı jwrtqa tarağan qaueset äleumettik jelini şulatqan-dı.

Atalğan portalğa habarlasqan twlğanıñ aytuınşa, EKSPO-2017 körmesiniñ aşılu räsimine dayındıq jürip jatır. Biraq, oğan astanalıqtar men Elorda qonaqtarı jwmıldırılmağan. Tipti, 4 mausım küni de jwrt körme aumağına kire almaydı.

Ayta keteyik, soñğı bir-eki künnen beri EKSPO-2017 Halıqaralıq körmesine qatıstı aqpar jelide taray bastadı. Onda 4 mausım küni Halıqaralıq körmeniñ aşılu saltanatına soñğı dayındıq jwmıstarı jürgiziletini aytılğan.

Sonday-aq, Almatıdan estrada jwldızdarı arnayı kelip, merekelik şara ötkizip, körme pavil'ondarınıñ resmi aşılatını aytılğan.

EKSPO-2017 körmesi turalı egjey-tegjeyli aqpar jazılğan habarlamada, is-şara 15:00 men 21:30 aralığında ötedi dep körsetilgen. Tipti, bwl şarağa kez kelgen eresek jäne 10 jastan asqan balalar kire alatını anıq körsetilgen.

«Halqaralıq körmeniñ aşıluı räsimi 9 mausım küni ötedi. Jäne oğan arnayı şaqırtuı bar resmi ökilder ğana qatısa aladı. Al şaqıru biletteri satılımğa şıqpağan. Sondıqtan, kelemin deuşiler 4 mausım küni körme alañına kelulerine boladı. Känsert biletteri kireberistegi kassalarda satıladı», dep jazılıptı älgi habarlamada.

Jelide gulep jürgen bwl aqparğa qatıstı resmi ökil pikir bildirip, aqparattıñ jalğan ekenin jetkizip otır.

Abai.kz

3 pikir