Jeksenbi, 17 Qaraşa 2019
2847 0 pikir 1 Mausım, 2017 sağat 09:16

Mirziyaev "arsız" bankirler üşin Azimovqa sögis jariyaladı

Özbekstan prezidenti Şavkat Mirziyaev jinalısta bankirler men qarjıgerlerdi «sandalbaylar men paraqorlar» dep atap, prem'er-ministrdiñ orınbasarı Rustam Azimovtı bwl salada baqılau joq dep sınğa aldı.

Şavkat Mirziyaev bank qızmetkerlerin sınğa alıp, «tek köñil köteru üşin ömir süredi», aylıq alıp qana qoymaydı äri «para da aladı» dedi. Onıñ aytuınşa, bank qızmetkerleri ärbir üydi aralap, halıqtıñ käsipkerlikpen aynalısuına müddeli boluı kerek.

Özbekstan prezident eger Rustam Azimov dwrıs jwmıs isteytin bolsa, bwl mäseleni qatañ baqılauğa aluşı edi dep prem'er-ministrdiñ orınbasarın sınğa aldı. «Biz özimiz osınday jağdayğa alıp keldik. Mwnda qojayın da joq, swranıs ta joq. Halıq nege narazı? Sebebi qarjıgerler dwrıs jwmıs istemeydi. Üy-üydi aralap, twrğındarğa nesie wsınğan adam eşqaşan memlekettiñ jauı atanbaydı. Eşqaşan!», - dedi prezident.

«Sen bankirlerdi arlı boluğa şaqıratın ekonomikalıq komplekstiñ jetekşisi emessiñ be, Mwnı sen nege istemeysiñ?! Sebebi sen qarjı ministrliginen qorqasıñ. Sebebi Taşkentte otıratındar audandıq şeneunikterden para aladı. Şın mäninde men seni qızmetten şettetuim kerek! Men audandıq qarjıgerlerdiñ 50 payızın qızmetinen alamın, olardıñ barlığı sandalbaylar! Arsızdar osı üşin jauap beredi?!», - dep mälimdedi Şavkat Mirziyaev.

Abay-aqparat

0 pikir