Seysenbi, 12 Qaraşa 2019
Betbwrıs 3006 0 pikir 1 Mausım, 2017 sağat 08:59

«Emhanağa tirkel de, statusıñdı anıqta!»

Soñğı kezde elimizde özekti bolıp jürgen taqırıp – mindetti äleumettik medicinalıq saqtandıru. 2017 jılğı 5 säuirden bastap  «Emhanağa tirkel de, statusıñdı anıqta!» attı kampaniyası bastalğan bolatın.  Jañadan engizilgeli jatqan bwl jüyeni Taldıqorğan qalasında erekşe türde tüsindiretin promoakciya ötti. Promoakciya Taldıqorğan qalasınıñ Jastar sayabağında «Emhanağa tirkel de, statusıñdı anıqta!» wranımen ötti.

Jastar sayabağında seruendep jürgen halıqtıñ nazarın fleşmobpen özine qaratqan jastar men memlekettik mekeme qızmetkerleri  äleumettik mindetti medicinalıq saqtandırudıñ şarttarın, onıñ maqsatın tüsindiretin jarnama paraqşaların ülestirdi.

«Biz bwl şaranı belsendi äri äserli türde ötkizu maqsatında fleşmob formatın tañdadıq. Mindetti äleumettik medicinalıq saqtandıruğa qatısu üşin aldımen öz statusıñızdı anıqtauıñız kerek. Onı Halıqqa qızmet körsetu (CON), jwmıspen qamtu ortalıqtarınan bile alasız. Qoğamımızda är azamat öziniñ statusın emhanağa barmay-aq elektrondı ükimet arqılı da tañday alatın mümkindigi barın bilui qajet», - deydi şaranı wyımdastıruşılardıñ biri Janna Arınbekova.

Qalalıq  Jastar sayabağında, fontannnıñ janında  taqırıpqa säykes fleşmobtı Taldıqorğan qalasınıñ medicinalıq kolledjiniñ studentteri biledi. Fleşmobtıñ äserli bolğanı sonday, bilep jürgen studenttermen qosa seruendeuge kelgen taldıqorğandıqtar da qolday ketti.   Osınday äserli fleşmobpen eldiñ nazarı auğan şarada mindetti äleumettik saqtandırudıñ şarttarı tüsindirildi.

Wyımdastıruşılar mwnday şaralardıñ mañızdılığın da ayttı. «Osınday promoakciyalardıñ arqasında halıq keñinen aqparattandırıladı», - deydi oblıstıq densaulıq saqtau basqarmasınıñ bölim basşısı Gülnar Jünisova.

«Bügingi  promoakciyağa 150-den astam azamat qatıstı. Eger jauın jaumasa qatısuşılardıñ sanı bwdan da köp bolar edi. Biz şarağa barlıq azamattardıñ qatısa aluın aldın ala oylastırıp, halıq köp jinalatın qalalıq sayabaqtı tañdadıq.  Promoakciyağa negizinen jastar qatıstı, degenmen elimizdiñ bolaşağı jastar emes pe?! Jalpı osınday şaralar halıqtı tezirek aqparattandıruğa, densaulıq saqtau salasındağı jañalıqtardı eñ birinşilerdiñ qatarında biluge kömektesedi», - dedi Gülnar Rahimbekqızı.

Abai.kz

 

0 pikir