Beysenbi, 21 Qaraşa 2019
Alañ 2984 5 pikir 29 Mamır, 2017 sağat 11:18

Wlttıq ekonomika ministrligi halıqtan aqıl swraptı...

Wlttıq ekonomika ministrligi halıqtan el ekonomikasın qalay köteruge boladı dep keñes swraptı...

Ekiwştı oy keldi. Äueli, ärine, elmen sanasıp, halıq pikirin bilgisi kelse – jön eken dedik.

Sosın, sonda özderi ne bitirip otır? Bwl ne, olardıñ twyıqqa tirelgeni me? Aytar oy, silter jolı bolmasa neğıp jür degen oyğa qaldıq!..

Swrağan soñ aytpasqa bolmaydı... Äytpese, sınap-minegende bäledeysiñder, bilgiş bolsañdar qayda qaldıñdar demey me? «Änşeyinde auzın jappastıñ» kebin kimeyik. Tıñdar qwlaq bolsa, aytar söz tabıladı!..

Sonımen, älqissa!..

Wlttıq ekonomika ministrliginiñ mindeti ne? Ärine, wlttıq ekonomika qwru. Al bizdiñ «Äueli ekonomika, sosın sayasat» degen wran köterip, ozıq otız eldiñ qatarına enudi mwrat twtqan täuelsiz el biligi şirek ğasırda şınayı wlttıq ekonomika qwra aldı ma? Ayta almaymın!..

Soñğı derekterge qarağanda, wlttıq ekonomika ülesi 20 payızğa jetpeydi. Qalğanı... qalğanı, iä, jat qolında. Bwl ne? Söz joq, öte qauipti swraq. Tipti wlt qauipsizdigine qatıstı, asa mañızdı kürdeli mäsele. Bwnı bir deñiz!..

Al endi älemdik alpauıttar tobında jürgen baylarımız ben bağlandarımız kim? Öziñiz de bilesiz, olar da sol – özge jwrt ökilderi... Nemese soğan jaqın, äyteuir qazaqqa janı aşımaytındar. Bwl qalay?!

Dau joq, bwl da – mañızdı saual. Şeşimin tabudı talap etetin qiın şarua. Sonda onı kim şeşedi?!

Siz. Wlttıq ekonomika ministrligi. Wlttıq ekonomikada wlt ülesi basım boluğa tiisti, onsız wlttıq ekonomika eşqaşan köterilmeydi.

Maşkeeviç pen Şodievtiñ, Kim men Nidiñ, Ivanov pen Kulaginniñ baylığın bizdiki dep oylama. Bwl tek uaqıtşa. Bastan jığa qisayğan küni «mañğıt – auzıña sañğıt» dep, joq boladı. Özi tügil izin de tappaysıñ. «İs bitti, qu ketti!..»

Sondıqtan, ne isteu kerek? Joğarıda ayttıq, tağı da aytamız – wlttıq ekonomika men biznestiñ barlıq salasında wlt ülesi, wlttıq käsipkerler basım boluğa tiisti. Sanı da, sapası da!.. Ministrlik eñ aldımen sol üşin jwmıs isteui kerek.

Aytpaqşı, bwl mindet tağı bir wyımğa tikeley qatıstı. Ol – Wlttıq käsipkerler palatası. Palata ne üşin qwrıldı?!

Orıs ağayındarımız aytpaqşı, «Mahabbat pen soğısta – barlıq täsil qolaylı»... Wlt müddesi men bolaşağı üşin, qajet bolsa, bärine baruğa boladı.

Aqıl swrağan soñ, aytu – parız. Onıñ üstine, keñes swrap otırğan – özge emes, özimizdiñ Wlttıq ekonomika ministrligi. Qalay aytpaysıñ?!

Ras, bwl tek – bağıt qana... Meje. Maqsat. Sondıqtan eñ bastı närse – sol mejege qalay jetip, bwl maqsattı qalay jüzege asıruğa boladı? Mäsele – sonda!..

Oy – köp, ideya da – jetkilikti... Swrap jatsa aytuğa boladı. Äzirge osı!..

P/S:   Aytpaqşı, ayta keter jayt – bizde jaqsı joba men josparlar jetip-artıladı. Gäp tek solardıñ orındaluında. Tipti eşteñe oylap tabudıñ qajeti joq!..

Twrmağanbet Kenjebaev

Abai.kz

5 pikir