Jeksenbi, 20 Qazan 2019
3469 3 pikir 31 Naurız, 2017 sağat 15:45

Jas qalamgerlerdiñ qalamaqısı artadı

Qoğamdıq mañızı bar ädebietter üşin qalamaqı kölemi artadı. Bwl turalı bügin Senatta Mädeniet jäne sport ministri Arıstanbek Mwhamediwlı mälim etti, dep habarlaydı QazAqparat.

«Biz qazirgi kezde kitaptardı şığarıp jatırmız, avtor bölgen qarjattıñ 10 payızın aladı. YAğni avtorğa 300-450 mıñ teñge köleminde tiesili boladı. Sol sebepti jazuşılıqpen aynalısu tiimsiz. Ol kitaptı şamamen 5-6 jıl jazıp, nätijesinde alatın eñbekaqısı 350 mıñ teñgeni qamtidı. Nege düken sörelerinde qazaq avtorlarınıñ kitabı joq?  Şınında, qazir sıylı äri qwrmetti ağalarımız jazıp jatır, al jastardıñ asa ıntası joq. Öytkeni 350 mıñ teñge somasındağı qalamaqı tım az», - dep tüsindirdi ministr «Qazaqstan Respublikasınıñ keybir zañnamalıq aktilerine mädeniet mäseleleri boyınşa özgerister men tolıqtırular engizu turalı» zañ jobasın talqılau kezinde.

Onıñ sözine qarağanda, osı zañ jobasına baylanıstı mañızı bar qajetti ädebietterge tapsırıs beriledi. Bwl twrğıda qalamaqı mäselesi müldem basqaşa retteledi, yağni onı qoğamdıq keñes şeşedi. Keñes qwramına deputattar, qoğam qayratkerleri kiredi. «Zañ jobası ayasında qalamaqı mäselesi şeşilse, ärine jazuşılardıñ jağdayı müldem basqaşa boladı. Olardıñ eñbekaqısı edäuir jaqsarar edi»,-dedi Mwhamedilı.

Abay-aqparat

3 pikir