Qazaqstan Preziydenti Núrsúltan Nazabaevtyng jana reziydensiyasy salynuy mýmkin, - dep jazady «saigez.kz» sayty sýiinshi súrap.

Astanada salynuy yqtimal saraydyng qúrylysyna «mabetex group» injiynerlik-qúrylys kompaniyasy jauapty eken. Kompaniyanyng resmy saytynda bolashaqtaghy preziydent sarayynyng súlbasy jariyalandy.

Astana qalasyndaghy birneshe ghimarattyng qúrylysymen ainalysqan kompaniyanyng saytynan kórgenimiz sol. Qazirgi búl kompaniya Aqorda, «Astana-Opera» teatry, QR SIM, «Saryarqa» velotregin salypty.

Alayda, joba qúrylysy qashan bastalatyny әm qashan ayaqtalatyny turaly esh aqparat berilmegen.

Preziydent reziydensiyasy tek – Memleket basshysynyng jataq jayy emes, memleketting qonaqtaryn kýtuge arnalghan resmy saray.

Preziydent Nazarbaevtyng Astanadaghy eng birinshi reziydensiyasy qazir Túnghysh Preziydent múrajayy boldy. Odan keyin Preziydent Aqordagha qonys audardy. Onyng qazir túryp jatqan ýiining jalpy aumaghy (dәlirek aitsaq, sarayy) 36 720 sharshy metrdi qúraydy eken. Ol 2004 jyly salynghan. Odan beri qaray 13 jyl ótti.

Orta Aziya halyqtarynda Patsha әm Patsha sarayy degen úghym әli kýnge saqtalghan. Mysaly, Qazaqstan, Qyrghyzstan, Ózbekstan, Tәjikstan, Týrkimenstan sekildi memleketterde kýni býginge deyin Preziydentti «Elbasy», «Týrkimenbasy», «Ata» dep ataydy. Búl óz kezeginde Preziydentke kórsetilgen qúrmetting erekshe týri.

Sondyqtan da, bizding geosayasy kartadaghy kórshi-qolanymyz saray saludan jarysty әldeqashan bastap ketken.

Mysaly; Resey Preziydentining milliondap jighan qarjysy byltyr "Panama" ofshorynan bir-aq shyqqan. Al ótken aptada ghana Reseyding Premier-ministri Dmitriy Medvedievti jemqor dep tanyghan júrt kóshege shyqty.

Al mynau RF preziydentinin sarayy:

Kezinde Europanyng songhy diktatory atanghan Belorussiya Preziydenti Aleksandr Lukashenko jana saray salyp, oghan Núrsúltan Nazarbaev pen Vladimir Putindi shaqyrghan edi. Qazir Lukashenko Europamen til tabysty. Ol keyingi kezderi oryspen odaqtyng orgha jyghatynyn jaqsy týsine bastaghan siyaqty.

Týrkimenstannyng Preziydenti de baylyghy jaghynan basqalardan qalmaydy.

Al búl Majarstan Preziydentining resmy reziydensiyasy.

Iran basshysy Rauhany myrza sarayynyng saltanatymen maqtanbasa da, әlemdik sayastta, әsirese, IShIM mәselesinde negizgi oiynshy ekeni sózsiz.

10117 Berlin, Am Kupfergraben, 6 ýi. Búl kóp qabatty ýide әlemning eng yqpaldy әiel basshysy Angela Merkeli túrady. Qarapayym ghana ýi. Onyng ýiin bar bolghany eki polisiya qyzmetkeri kýzetedi. Aylyghy da asyp bara jatqan joq.  Jyldyq tabysy - 290 myng euro.

Al әlemning eng kedey Preziydenti - Urugvayda. Ol Hose Aliberto Muhika Kordano. Basynda 1 gektar jeri bar.  "Foliksvagen Juk" deytin mәshiynesi bar.1200 dollardan sәl asatyn jalaqysy bar. Hose Aliberto Muhika aiyna 12500 dollar alady. Alghanynyng 90 payyzyn qayyrymdylyqqa beredi eken.

Mine, solay. Aytpaqshy, bizge saray kerek. Daulaspayyq.

Núrzat Toghjan

Abai.kz