Astanagha Rianna keledi. Ol Astanada ótetin EKSPO-2017 kórmesine qatysyp, sheteldik turisterge әn salyp bermek. Áp, bәrekeldi! Kelsin ghoy, biraq ol tegin kelmeydi. Álemdik sahnalardyng kórigin qyzdyryp jýrgen bәdendi biykesh әn salyp bergen enbegine – 2 million AQSh dollaryn alyp qaytpaq.

Tipti, Astana EKSPO-2017 kórmesining resmy saytynda Riannanyng óner kórsetetin uaqyty da belgilenipti. Búl әzirge naqty emes eken, Rianannyng әn shyrqaytyn uaqyty ózgerui әbden mýmkin.

Boljam boyynsha, jartylay jalanash jýrip әn aitatyn "pop-júldyz" «Astana-Arena» stadionynda, otyz mynnan asatyn kórermenning aldynda   mәdeniy-tanymdyq is-sharalar kezinde óner kórsetedi. Poh, shirkin! Qashan? 6 mausymda!

Keyinirek belgisiz sebepterge baylanysty búl aqparat sayttan óshirilgen.

Tengrinews.kz-ting jazuyna sýiensek, Barbadostan shyqqan әnshining keshterin úiymdastyryp jýrgen maman Riannanyng Qazaqstangha kelip qaytu sapary 1,5-2 millionnyng tónireginde bolady depti.

Aytpaqshy, Riannadan bólek Astana EKSPO-2017 kórmesinde amerikandyq júldyz Steve Aoki óner kórsetedi.

Osy tústa aita keteyik, endi eki-ýsh aidan song Elordada ótetin kórmege әlemning 115 memleketi qatysady. Shamamen 5 million turist keledi. Olargha Rianna bastaghan birsypara sheteldik әrtis óner kórsetedi.

Riannanyng kele jatqanyn oilasaq kónilde: "Qazaq ónerge kende me edi?" degen súraq kóldenendeydi.  Shetelden keletin 2-3 million turist  jalang ayaq, jalang bút "júldyzdyn" emes, qazaqtyng mәdeniyetimen, tilimen, túrmys-tirshiligimen tanysu ýshin keledi emes pe?.. Sheteldik turisterge «mine, qazaqtyng óneri, mәdeniyeti» dep kórseterimiz joq pa?

Álde, әnshige jarymay jýr me edik?  Arandary ashylghan "júldyzdardy" EKSPO-nyng tórinde tayrandatqannan kim  ne útady?

Núrgeldi Ábdighaniyúly

Abai.kz