Senbi, 7 Jeltoqsan 2019
Osı ğoy endi... 3972 0 pikir 29 Qañtar, 2015 sağat 11:28

«QAZPOŞTA» QIZMET QWNIN KÖTERUDİ ĞANA BİLE ME?

Mäjilistiñ keşegi ötken jalpı otırısında deputat Almas Twrtaev QR Invisticiyalar jäne damu ministri Äset Isekeşevke deputattıq saual joldadı. «Qwrmetti Äset Örentaywlı! Mına mäselelerdi eskere otırıp, «Qazpoşta» AQ qızmetiniñ sapasın jaqsartuğa baylanıstı atqarılıp jatqan jwmıstar boyınşa aqparat beruiñizdi swraymız» dep keletin halıq qalaulısınıñ saualında birqatar mäseleler söz boladı.  

«Qazpoşta» AQ elimizdiñ bükil aumağında poştalıq jäne qarjılıq qızmetterdiñ tolıq spektrin wsınatın Qazaqstan Respublikası poştalıq baylanısınıñ wlttıq operatorı bolıp belgilengen. 2013 jılı Qazpoşta kiristeri 2012 jılmen salıstırğanda 14 payızğa ösip, 30,8 mlrd teñgeni qwrağan. Qazpoştanıñ tiimdiligi jäne taza tabısı üş jıl qatarınan ösude, biraq poşta basşılığı jwmsalğan şığınnıñ aqtalmauı turalı aytıp, ünemi subsidiyağa süyengendi jön köredi.

2014 jılğı 1 aqpannan bastap Qazpoşta qızmetter tarifterin kötergen. Bwl rette, bağanı kezekti joğarılatu deval'vaciyamen tüsindiriledi, biraq teñge qwnı 19 payızğa tömendep, keybir poziciyalarğa (jazba hat-habarlardı jöneltu) bağalar 27 payızğa artqan.

Qızmetter qwnınıñ kezekti artuınan köptegen baspa basılımdarı kürdeli jağdayğa tap boluda. Aytalıq, keybir basılımdar jazıludan jäne baspa nobayınan bas tartıp, tolığımen «onlaynğa» köşude. Bwğan qosa, Qazpoştanıñ negizgi problemalarınıñ biri – tiimsiz menedjmentte dep esepteymiz. Eger alınğan tabıs poştaşılardıñ eñbekaqıların indeksteuge jiberilmese, poştanıñ qarajatı qayda jwmsalatını tüsiniksiz. Mısalı, öñirlerde poştaşılar öz jwmısı üşin 5 mıñnan 15 mıñğa deyingi kölemde jalaqı aladı. Al ortalıq apparattağı qızmetkerler 10 ese joğarı alsa, basşılıq tiisti sıyaqı da aladı. 

Sonımen birge qızmetter qwnı artqanımen, qızmetter sapası jaqsarğan joq, yağni hat-habarlar Astana jäne Almatı qalalarına 2-3 künge, oblıstarğa 7 künge keşeuildep jetkiziledi. Öñirlerde internet damımağanın, jwrtşılıq äli künge deyin gazet oqitının eskersek, onda «Qazpoşta» AQ öziniñ äleumettik-sayasi mindetterin äli sezinbey keledi. Qazpoşta baspa basılımın bosatu bağasına komissiya qosatındıqtan, oqırmandar üşin gazet bağası köterilip otır.

Poşta qızmeti sapasınıñ tömendeuimen birge, poşta qızmetkerleri tarapınan jasalğan zañ bwzuşılıqtar jıl sayın artıp keledi. Mısalı, 2014 jıldıñ soñında Oral qalasında «Qazpoşta» AQ-nıñ 9 qızmetkeri mügedek balalar şotınan aqşa jımqırdı degen ayıppen är türli merzimge sottalsa, osı jıldıñ basında bwqaralıq aqparat qwraldarı Aqtau qalasında poşta qızmetkerleri sälemdemelerdi aşıp, özderine wnağan zattardı alğandarı üşin wstaldı degen mälimetti tarattı.

Qazirgi kezde poşta arqılı jiberiletin zattardı jöneltu üşin halıq poyız jolserikteriniñ nemese wşaq ekipajdarınıñ qızmetine jüginedi. Däl osı poşta jwmısına azamattar senimsizdikpen qaraytındıqtan, Qazaqstandağı poştalıq qızmetter narığında şeteldik kur'er qızmetteri (mısalı, DHL) payda bolıp, tabıstı jwmıs isteude. Al merzimdi basılımdardı qabıldaumen jäne jetkizumen Qazpoştadan basqa özge de kompaniyalar aynalısadı.

«Ötken jılı «Qazaqstan Respublikasınıñ keybir zañnamalıq aktilerine Qazaqstan Respublikasınıñ poşta baylanısı salasındağı zañnamanıñ normaların Düniejüzilik poşta odağı aktileriniñ normalarımen birizdendiru jäne poşta operatorlarınıñ qızmetin retteu mäseleleri boyınşa özgerister men tolıqtırular engizu turalı» Qazaqstan Respublikasınıñ Zañın qabıldap, Qazpoştanıñ halıqaralıq deñgeyde qızmet etuin qamtamasız ettik. Biraq onıñ işki qızmeti tömen deñgeyde qalıp otır. Bwl mäselelerdi bwrın birneşe kötergenimizde Ükimet tarapı poşta qızmetin retteuge qatıstı jaña redakciyadağı zañ jobasın äzirlep, Mäjiliske wsınatındığın aytqan bolatın. Biraq onday zañ joba äli künge deyin deputattardıñ qolına tigen joq» dey kele deputat Almas Twrtaev  «Qazpoştanıñ» halıqqa qızmetin jetildirudi wsınadı.

 

Abay.kz 

0 pikir