Kóktemning alghashqy kýni «Astana-Arena» stadionynda el chempiony – «Astana» men el kubogynyng iyegeri – «Qayrat» komandalary futboldan Qazaqstan superkubogyn sarapqa salady. Oiyndy «Habar» telearnasy tikeley efirden kórsetpek (translyasiyanyng bastaluy – Astana uaqyty boyynsha 15.55-te).

Osydan eki apta búryn Qazaqstan futbol federasiyasynyng (QFF) saytynda mynaday aqparat jariyalandy: «Qazaqstan superkubogy sarapqa salynatyn búl matchty reseylik «Sport 1» telearnasy da kórsetetin bolady. QFF Býkilreseylik memlekettik tele jәne radio habarlaryn taratu kompaniyasymen osynday kelisim-shartqa otyrdy». Federasiyanyng bas menedjeri Asqar Úranhaev óz týsindirmesinde tipti «Astana» men «Qayrattyn» oiynyn Ukrainanyng «SPORT» arnasy da kórsetetinin, al búl arnany atalmysh el halqynan bólek Belarusi, Moldova, Litva, Latviya jәne Estoniya elderining de tamashalaytynyn aitqan-dy. Yaghni, Qazaqstan superkubogy ýshin matchty búrynghy Kenes Odaghynyng birtalay eli kóretin boldy dep jar saldy. Búl búl ma, «Týrkiya, Qytay jәne t.b. elderding telearnalarymen de kelissóz jýrgizilip jatyr» degenin qaytersiz?

Júrtshylyq búl habargha asa quana da, tym sene de qoyghan joq. Óitkeni, birinshiden, «Astana» men «Qayrattyn» oiyny, basqany bylay qoyghanda, qazaq jankýierlerining ózin qanshalyqty qyzyqtyrady? Jaraydy, 30 myng adam syyatyn «Astana-Arena» ýsh ay qysta futboldy saghynyp qalghan kórermenge lyq tolsyn-aq delik. Jankýierlikting jazylmas derti qanyna singen qalyng jazghan teleekrangha telmirsin-aq. Býkil Qazaqstan qaramaydy ghoy bәribir.

Ekinshiden, osy oiyn Resey, Ukraina nemese Litvadaghy futbol әuesqoylarynyng nazaryn audarady degenge QFF shynymen ilana ma? Mәselen, futboldy óte jaqsy kóretin mening ózim jogharyda atalghan elderding komandalarynyng oiyndaryn qaray bermeymin. Sebebi, maghan qyzyq emes. Angliya, Ispaniya nemese Germaniya chempionattary, Chempiondar ligasy túrghanda, qaydaghy bir «Spartak» pen «Zenittin», «Dnepr» men «Metallistin», «Ekranas» pen «Jaligiristin» oiynyn qaytemin? Sol sekildi kez kelgen orys, ukrain nemese litvan jankýieri «Astana» men «Qayrattyn» oiynyn qaraydy degenge kim senedi?

Ýshinshiden, osynday eshkimdi qyzyqtyra qoyy neghaybyl, ózgeler ýshin reytingi nól oiyndy kórinder dep, júrtqa jalynu – ynghaysyz emes pe? Qazaq futbolyn syrtqa tanytudyng basqa da joldary bar shyghar (Mәselen, komandalarymyzdyng oiynyn jaqsartu, dengeyin kóteru). Onyng ýstine, sport telearnalary qazir Angliya, Germaniya, Ispaniya chempionattaryn kórsetu ýshin talasyp, sol federasiyalargha qyruar qarajat tóleydi. Búlardyng reytingi óte joghary ekenin, el qyzyghushylyghynyng orasan zor ekenin biledi. Al bizding matchty kórsetkennen olar ne tabady? Eshtene de. Nashar futbol kimge dәri? Demek, olar tek bizding tarap aqsha tólese ghana kórsetuge kelisim bermek. Óitip aidaladaghy bireulerge aqsha tólep janyqqansha, óz futbolymyzdy ózimiz-aq kórip otyra bermeymiz be?

...Keshe «Sport 1» (Resey), «SPORT» (Ukraina) jәne «TRT Avaz» (Týrkiya) arnalarynyng 1 nauryz kýngi telebaghdarlamalaryn sholyp shyqtym. «Astana» – «Qayrat» oiyny eshqaysysynyng da kestesinde joq eken. Bәse...

Sәken SYBANBAY

Abai.kz