Býgin Reseyde alghash ret «Arnayy operasiyalyq kýshter» kýni merekelenip jatyr. Búnday kýnning qyzyl datagha engiziluine RF Preziydenti Vladimir Putin keshe, beysenbi kýni ghana jarlyq shygharghan.

BBC janalyqtarynyng jazuynsha, Putinning jarlyghy qúqyqtyq aqparattargha arnalghan internet portalda jariyalanghan. Aqparatqa say, jarlyq jariyalanghan sәtinen bastap kýshine enedi. Mamandandyrylghan arnayy kýshter merekesi retinde nelikten 27 aqpan tandap alynghany qújatta kórsetilmegen.

Esterinizge salatyn bolsaq, «Azattyq radiosy» Resey kórshisi Litvanyng azamattar ýshin әskery qyzmetti qayta mindetti qylyp, NATO-men birlesip sәrsenbi kýni әskery jattyghu ótkizgenin habarlaghan edi. Sonday-aq Estoniyada da Tәuelsizdik kýnine oray Narva qalasynda әskery parad ótkizilip, Reseymen shekaralas aimaqta NATO-gha mýshe birneshe memleketting әskerleri qatysqan әskery jattyghular jasalghan. Jattyghular barysynda amerikalyq soghys tehnikalary shekaradan nebәri  300 m ghana qashyqtyqta jýrip ótken. Polisha men Baltyq elderi byltyr Resey Qyrymdy anneksiyalap alghan song NATO әskerlerin óz territoriyalaryna ornalastyrugha ótinish bergen bolatyn.

BÚÚ-nyng mәlimetine say Ukrainadaghy konflikt qúrbandary sany 5800 adamgha jetken. Birneshe memlekettik kelisim men Álem elderining alandaushylyghyna qaramastan reseyshil separatister shyghys Ukrainanyng birqatar ónirlerine tynyshtyq bermey keledi. Ukrainanyng shyghysyndaghy әskery qaqtyghystar men sayasy túraqsyzdyqqa Batys elderi men AQSh Reseydi aiyptaydy.  Al Resey biyligi әskery qaqtyghystargha ózining mýlde qatysy joq ekenin aitudan tanbay keledi.

Núrghaly NÚRTAY

Abai.kz