Seysenbi, 22 Qazan 2019
«Soqır» Femida 3761 0 pikir 15 Säuir, 2015 sağat 13:34

ÄLIEVTİÑ ORNINDA - ÄLNWR MWSAEV PEN VADIM KOŞLYAK

Avstriyalıq aqparat agenttikteri Venada “Nwrbank” top-menedjerleriniñ ölimine qatıstı sot procesi bastalğanın habarlap jatır.  

Sonımen, qazaqstandıq bankirler Joldas Temiräliev pen Aybar Hasenovtı wrlau jäne öltiru fakti boyınşa ayıptalğandar avstriyalıq alqa bilerdiñ aldında otır. Olar: Älnwr Mwsaev pen Vadim Koşlyak.

Atışulı is boyınşa bastı küdikti Rahat Äliev qaytıs bolğannan keyin endi barlığına atalğan ekeui jauap bermek.

“Interfakstiñ” deregine süyensek, sot törağası Andreas Bemom sot procesine 16 alqa biin tağayındağan. BAQ nazarındağı proceste qauipsizdik şaraları barınşa küşeytilgen körinedi. Sot zalına kirmes bwrın qatısuşılar jıljımalı qauipsizdik şlyuzderi arqılı ötude. Sonday-aq, sot küzeti qızmetkerleriniñ sanı da wlğaytılğan.

Bilesizder, 24 aqpanda Qazaqstannıñ Avstriyadağı bwrınğı elşisi Rahat Älievtiñ Avstriya abaqtısında öli denesi tabılğan. Tergeuşiler bwrınğı diplomattıñ öz-özine qol jwmsağanın mälimdedi.

Avstriyalıq qwqıq qorğau organdarı eks-diplomattı ötken jılı 5 mausımda qwrıqtağan-dı. Aqparat agenttikteriniñ habarlauınşa, Mwsaev pen Koşlyakqa qatıstı sot procesi bir ayğa jalğasadı. Osı uaqıtta üş ekspert pen alpıstan astam kuäger tıñdalmaq.

Älnwr Äljapparwlı Mwsaev – Rahat Älievtiñ seriktesi. Ol 1989 – 94 j. QR Wlttıq qauipsizdik komiteti bölim bastığınıñ orınbasarı, bölim bastığı, basqarma bastığı, 1994 – 95 j. QR İİM-niñ Wyımdasqan qılmıs pen sıbaylas jemqorlıqpen küres bas basqarmasınıñ bastığı, 1995 – 97 j. QR Prezidentiniñ kömekşisi, QR Prezidentiniñ Küzet qızmeti bastığınıñ orınbasarı, 1997 – 99 j. QR Wlttıq qauipsizdik komiteti törağasınıñ orınbasarı, törağası qızmetin atqardı. «Wlttıq qauipsizdik organdarınıñ qwrmetti qızmetkeri» belgisimen marapattalğan. General-mayor. Al, Vadim Koşlyak Rahat Älievtiñ jeke oqqağarı bolğan.

Abai.kz

0 pikir