Keshe. Kýn demalys boldy. Tang arayly atty. Týnnen týgel shyqtyq. Tәuba. El aman, júrt tynysh. Saylau kýni eken. Bara jatqandar da, kele jatqandar da boldy. Men oilandym. Barsam ba, barmasam ba? Barayyn desem, mening dausyma qarap túrghan saylau joq. Barmayyn desem, mektep (saylau uchaskesi) ýige tiyip túr. Sonymen baramyn ba, barmaymyn ba? Búnday asa manyzdy súraqtyng sheshimin tabu onay emes. Kóp oilandym. Aqyr sonynda bala kýngi amal esime týse ketkeni. Bala kýnimizde bir nәrseni sheshe almay qinalsaq, ongha deyin sanaushy edik qoy. Men de ongha deyin sanadym. Áriyne qyrsyqtyghyma salyp, barmaymynnan bastadym. Sonymen:
1-barmaymyn.
2-baramyn.
3-barmaymyn.
4-baramyn.
5-barmaymyn.
6-baramyn.
7-barmaymyn.
8-baramyn.
9-barmaymyn.
10-baramyn.
Baratyn boldym. Qyzym oqityn mektep qoy, múghәlimderi kórip qoysa, ynghaysyz bolyp jýrer dep, tizesi shyqqan trikomdy sheship tastap, tizesi endi shyqpaqqa bet alghan djinsy shalbarymdy kiyip, ýstime endi-endi sozyla bastaghan orenji týsti futbolkamdy kiyip, saylau uchaskesin betke aldym. Bardym. Qúday-au, osyghan deyin kimge dauys beretinimdi sheship almaghan ekenmin ghoy. Endi kimge dauys bererimdi bilmey basym qatty. Anau basqarsa, bylay bolady, mynau basqarsa, alay bolady deytindey mende qaybir sayasy sauat bar deysiz. Taghy da bala kýngi ailagha kóshtim. Qashanghy ongha deyin sanay beremin, búl joly toghyzgha deyin sanaymyn dep sheshtim. Taak, kimnen bastap, kimnen ayaqtasam eken. Oilana kele ylghy Elbasymyzben bastap kele jatyrmyz ghoy, osy joly ol kisini sonyna qaldyrayyn dep sheshtim. Sonymen toghyzgha deyin taghy sanadym.
1-Túrghyn Syzdyqov
2-Ábilghazy Qúsayynov
3-Núrsúltan Nazarbaev.
4-Túrghyn Syzdyqov
5-Ábilghazy Qúsayynov
6-Núrsúltan Nazarbaev.
7-Túrghyn Syzdyqov
8-Ábilghazy Qúsayynov
9-Núrsúltan Nazarbaev.
Sonymen kim boldy? IYә, toghyzynshy bolyp Núrsúltan Ábishúlynyng aty shyqty. Dausymdy sol kisige berdim. Ádeyi emes, oiyn tәrtibi solay. Tәrtipti búzugha bolmaydy. Jýgirgen jetpeydi, búiyrghan ketpeydi degen ras, ә? Bir shetinen sol kisige dauys bergenim de dúrys bolypty...
Mynanday yqpaldy, abyroyly, әlem tanityn preziydentting kezinde qúlaq kesip oinap jýrgender ana ekeui basqarghan zamanda bas kesip oinap jýrer... Qúday saqtasyn. 

Beybit SARYBAY

(Jazba avtordyng feysbuktegi paraqshasynan alyndy).