Särsenbi, 23 Qazan 2019
Zertteu 4030 0 pikir 29 Säuir, 2015 sağat 12:10

QAZAQSTAN KÖZQARASTAR MEN IDEYALAR AYNASINDA

Elimizdiñ qoğamdıq-sayasi ömiriniñ köptegen küngey jağı bar, sondıqtan qoğamdağı sayasi mäselelerge saraptama jasay otırıp, «basqaşa» közqaraspen qarau da mañızdı.

Belgili sayasattanuşı Andrey Çebotarevtıñ «Täuelsiz Qazaqstannıñ sayasi oyı: dinamika, ideyalar, bağalau» kitabı jarıq körgeli biraz boldı.

Kitapta täuelsiz Qazaqstandağı memlekettik qwrılısına tikeley äser etken sayasi küşter men twlğalardıñ ideyalarına, közqarasına, äleumettik-sayasi platformalarına qızıqtı közqaras berilgen.

Mäsele - elimiz täuelsizdik alğannan bergi sayasi-ideyalıq mwra jöninde. Sol kezdegi ideyalar küresi qalay jürdi, twlğalar bir-birine qalayşa äser etti degen swraqtarğa bağa berilgen, jan-jaqtı qarastırılğan. El täuelsizdiginiñ buınınıñ qatayuına at salısqan köptegen twlğalardıñ eñbekteri de qamtılğan. Sonımen birge tuındı, sayasi közqarasına qaramay, biliktiñ «qara tizimine» engen azamattardıñ sayasi twğırnamasına öz twrğısınan bağa beruge tırısadı. A.Särsenbaywlı, Z.Nwrqadilov, B. Äbilov, E. Asanbaev jäne t.b. közqarastarı bükpesiz jazılğan. Mwnıñ özi fenomen.

Sonımen birge, bügingi biliktiñ de «aq pen qarası» jaqsı aşılğan...

Ğılımi- saraptama türinde jazılğan tuındıda joğarıda aytılğan twlğalardıñ sayasi közqarastarınıñ özgerui, onıñ saldarı, odan şığatın qorıtındılar şeber berilipti.

Keyingi kezderi sayasi memuaristika, sayasi saraptama janrı aqsap qalğandığı belgili. Bwl kitaptıñ qwndılığı, osı «ülken alañdı» toltıruğa biraz bolsa da ülesin qosatın tärizdi.

Kitap sayasattanuşılarğa, äleumettanuşılarğa, sonımen qatar bügingi sayasatqa qızığuşılıq tanıtatın barlıq kitapsüyer qauımğa arnalğan.

Avtor A. Çebotarevqa bir ğana ötiniş: osı kitaptıñ qazaqşa nwsqasın şığarsa. Degenmen, öte qızıqtı, köptegen biz bilmeytin faktiler tuındınıñ qwndılığın arttırıp otır. Avtor öziniñ osı bağıttağı şığarmaşılıq izdenisterin jalğastıra, damıta berse eken degim keledi.

Erlan SAIROV

 

Abai.kz

0 pikir