Särsenbi, 23 Qazan 2019
Kök tudıñ jelbiregeni 4604 0 pikir 29 Säuir, 2015 sağat 13:12

PREZIDENTTİ WLIQTAU SALTANATI ÖTTİ

29 säuir küni Astanada Qazaqstan Prezidenti Nwrswltan NAZARBAEV wlıqtaldı.

Aldımen Astananı aralap ötken qwrmetti kortej sonan soñ Qazaq eli alañına bettedi. Alañda tizilgen äskeri saptı qabıldağan soñ Täuelsizdik sarayına bettedi. Artilleriyalıq oq atu qwrmeti körsetildi.

Täuelsizdik sarayına Qorğanıs qızmeti äskerleri marş äueninde Qazaqstan Tuı men Konstituciyası jäne Prezident ştandartı kirgizildi.

Qaptağan halıq aldında QR Konstituciyalıq Keñesi Törağası I.Rogov Qazaqstan Qonstituciyasınıñ 42-babına säykes Ant bergen sätten bastap Qazaqstan Prezidenti öz qızmetine kirisetinin mälimdedi.

Qazaqstan Prezidenti Nwrswltan NAZARBAEV Konstituciyağa oñ qolın qoyıp twrıp, Qazaqstan halqına memlekettik tilde Ant etti. Sodan soñ tize bügip, Qazaqstan Tuın süydi.

Ortalıq saylau komissiyası törağası Q.Twrğanqwlov Nwrswltan Nazarbaevqa QR Prezidenti kuäligin saltanattı türde tabıs etti.

Qazaqstan Prezidenti Nwrswltan NAZARBAEV Qazaqstan halqına arnap söz söyledi.

Sodan soñ “Qazaq eli” alañında Qazaqstan Qarulı Küşteriniñ Bas Qolbasşısı, Qazaqstan Respublikası Prezidenti, Elbası Nwrswltan NAZARBAEVqa QR Qorğanıs ministri Imanğali Tasmağambetov Qazaqstan Qarulı Küşteriniñ saltanattı şeruge dayın ekenin mälimdep, raport berdi. Şerudi qabıldağan Elbası äskerlermen sälemdesken soñ, saltanattı şeru bastaldı.

 

Abai.kz

0 pikir