Seysenbi, 10 Jeltoqsan 2019
Bilik 3882 0 pikir 8 Mausım, 2015 sağat 16:24

QMDB: Qazaq küresiniñ bas jüldegeri qajılıqqa tegin joldamanı wtıp aldı (foto)

Almatıda «Dostıq» sport keşeninde Qazaq handığınıñ 550 jıldığınıñ qwrmetine oray jäne «Din men dästür» jılı ayasında Qazaqstan mwsılmandarı dini basqarmasınıñ törağası, Bas müfti Erjan qajı Malğajıwlınıñ jüldesi üşin meşit jamağattarı arasında Qazaq küresinen II respublikalıq turnir ötti.

Wlttıq sporttıñ abıroyın asqaqtatqan dübirli dodanı janküyerlermen birge Qazaqstan mwsılmandarı dini basqarmasınıñ törağası, Bas müfti Erjan qajı Malğajıwlı, naib müfti Naurızbay Tağanwlı, qazaqtıñ dañqtı baluanı, küresten twñğış olimpiada çempionı Jaqsılıq Üşkempirov t.b. sport şeberleri tamaşaladı.

Bas müfti Erjan qajı Malğajıwlınıñ jüldesi üşin wyımdastırılğan dodağa öñirden iriktelip şıqqan jası 18-den asqan, salmağı 74 keliden joğarı 75 baluan qatıstı. Sonımen halıqaralıq därejedegi töreşiler şeşimimen tömendegi sportşılar jüldeli orındarğa ie boldı.

 

İ orın – Jayıq QIÑIRBEKOV (Almatı oblısı). Ülken qajılıqqa

tegin joldama jäne 750 000 teñge qarjılay sıylıq.

İİ orın – Almaz BEGİMBETOV (Jambıl oblısı). Kişi qajılıqqa tegin joldama jäne 375 000 teñge qarjılay sıylıq.

İİİ orın – Aqjol RAQIMJANOV (Qostanay oblısı). Teledidar jäne 200 000 teñge qarjılay sıylıq.

 

Erjan qajı MALĞAJIWLI, Qazaqstan mwsılmandarı dini basqarmasınıñ törağası, Bas müfti:

«MAQSATIMIZ – SALAUATTI ÖMİR SALTIN NASIHATTAU»

«Qazaq küresi – wrpaqtan-wrpaqqa wmıtılmay jetken dästürli önerimiz. Tarihqa qaraytın bolsaq, türli toy men alqalı as bwl sayıssız ötken emes. Küşi basım tüsip, jeñiske jetken paluandar halıqtıñ qwrmetine bölenetin. Kürestiñ osı türi dästürimizben qosa, dinimizben de astasıp jatır. Sondıqtan, bwl öner payğambarımızdan (Allanıñ oğan salauatı men sälemi bolsın) kele jatqan sünnet. Atqarılıp jatqan bwl is-şaralar din men dästürimizdi däriptey otırıp, meşittegi jamağattıñ, jastardıñ basın qosu, biriktiru maqsatında wyımdastırılıp jatır. Maqsatımız – salauattı ömir saltın nasihattau».

 

Jaqsılıq ÜŞKEMPİROV, älem çempionı:

«IMAMDARDIÑ KÜRESTİ NASIHATTAUI – ÜLKEN ÜLGİ»

«Qazaq küresi – kürestiñ atası, qazaq küresi – wlttıñ ruhı. Osı sport türi Dini basqarma deñgeyinde nasihattalıp jatqanı quantadı. Imamdarımız tek uağız aytıp, meşitte namaz ötkizumen şektelmey, halıq arasında sporttı öz amaldarı arqılı nasihattauı öte dwrıs ideya. Artımızdan qanşama jastarımız ösip kele jatır. Solar sportqa äuestenip, jamandıqtan arılıp, jaqsılıqqa üyir bolsa, bizdiñ bolaşağımız jarqın boladı. Erjan qajı Malğajıwlınıñ bwl bastamasına alğısımdı aytamın».

 

Jayıq QIÑIRBEKOV, İ orın iegeri:

«QAJILIQQA BARUDI ARMANDAĞAN EDİM...»

«Dini basqarma wyımdastırğan osınday respublikalıq jarısqa qatınısqanıma quanıp twrmın. Jarıstı wyımdastırğan ağalarıma alğısımdı aytamın. Küres – meniñ süyikti sportım. Bwl keşegi balauan babalarımnan, payğambarımızdan qalğan ülken öner. Aldağı uaqıtta tağı da osı jarıs jalğasın tabadı degen senimdemin. Täuelsizdigimizdiñ twğırı biik bolsın. Ärqaşan jeñis törinen körine bereyik

Men qajılıqqa barudı bwrınna armandadım. Süyikti sportım küres arqılı qajılıqqa tegin joldamanı jeñip aluım men üşin ülken abıroy, biik märtebe. Maqsatıma jetkenime quanıştımın. Allağa şeksiz şükir aytamın».

 

Äset BEKTWR,

QMDB Baspasöz böliminiñ bas mamanı

suretterdi tüsirgen avtor

Abai.kz

0 pikir