Oӊtýstik Qazaqstan oblysynyӊ dihandary biyl alghash ret Týrkiya men Qytaydan maqtanyӊ jaӊa súrpyn әkelip ekken. Tәjiriybe retinde sebilgen túqym bitik shyqty. Myrzashóldik sharualar quaӊshylyqqa qaramastan tipti keybir alqaptardan 50 sentnerge deyin ónim alghan. Qazir otandyq ghalymdar jergilikti jerdegi maqta súrpyn jetildirudi qolgha aldy. Myrzashóldiӊ aptapty ystyghy men qúrghaqshylyqqa qaramastan shetelden әkelinip sebilgen shitter bitik shyqqan.Búnyӊ jergilikti túqymgha qaraghanda boyy alasa bolghanymen kósegi kóp,ónimdiligi joghary. Diqandar soӊghy 10 jylda múnday maqta almaghandaryn aityp otyr. Tәuelsizdik alghan jyldardan beri dihanshylyqpen ainalysyp kele jatqan Túrsynbay Berdaliyev sheteldik súryptyӊ jer talghamaytynyn aitady. Óitkeni qatarynan 6 jyl egin egilgen jerge sebilgen shit tolyq shyghypty. Ónimdiligi de jaman emes, - deydi sharua. Bastysy, jazdyӊ aptapty ystyghynda su bolmay qalghan kezde de maqta japyraq ashyp, shanaq tastamaghan.

Túrsynbay Berdaliyev, sharua qojalyghynyӊ qúryltayshysy: - Su tapshylyghyna qaramay jaqsy ónim berip jatyr. Kýnbaghystan keyin jerdiӊ qúnarlylyghy joghalady. Ol ras. Biraq myna Týrkiyanyӊ maqtasy sol jerden ózine bar tiyimdi degen zattardyӊ bәrin alady eken. Mine, ónimdiligi joghary. Meniӊ óz oiym osy Maqtaralda óndirilip jatqan shitterge osy qasiyetterdi endiruimiz kerek. Sonda bizdiӊ maqtamyzgha jetetin maqta bolmaydy. Tәjiriybeli sharua túqymy bólek maqtagha agrotehnikalyq talaptardy tolyq jýrgizgen. Sonyӊ arqasynda egin alqabyndaghy keybir jerlerden 50 sentnerge deyin ónim alyp jatyr eken. Oghan qosa, múnda barlyq júmys tehnikanyӊ kýshimen atqarylady. Búl ónimdi jyldam әri ysyrapsyz jinap aluyna mýmkindik beredi deydi sharua.

Al týrkistandyq diqandar biyl maqtanyӊ jergilikti ghalymdar oilap tapqan jaӊa súrpyn egipti. Sharua qojalyq kelisim ayasynda 300 gektar jerge otandyq shit sepken. "Týrkistan" degen atau alghan maqta sorty orta eseppen 35 sentnerden ónim bergen. Artyqshylyghy 10-15 kýn erte pisedi jәne talshyghy 4-súrypty.

Habibulla Azimov, sharua qojalyghynyӊ tóraghasy: - Búl súryptyӊ sipattamasy boyynsha ónimdiligi gektaryna 40-45 sentner. Tez ashyluy búl bizge jauyn-shashyngha qalmay, maqtany terip alugha mýmkindik beredi. Odan keyin búl maqtanyӊ talshyghy 4 súrypqa jatady. Qazaqstanda búghan deyin óndirilmegen týrin endi óndirip jatyrmyz. Qazaqstandaghy toqyma kәsiporyndarynda búl týrge súranys kóp. Oblys kóleminde biyl jalpy 109 myӊ gekter jerge maqta egilgen. Sonyӊ 1600 gektaryna Týrkiya men Qytaydan әkelingen dәn sebilipti. Mamandar jazdaghy su tapshylyghyna qaramastan ónimdilik jaman emes dep otyr.

Serik Túrbekov, oblystyq auyl sharuashylyghy basqarmasynyӊ basshysy: - Biz týsimdilik 27 sentnerden bolady dep eseptegenbiz. Biraq ózderiӊiz bilesizder, jazda mynau Syrdariyadan Dostyq kanalyna su kelui az boldy. 30 myӊ gektar alqabymyz uaqytyly su ishpey qaldy. Sonyӊ sebebinen biyl 25-26 sentnerden maqta teremiz dep júmys jasap jatyrmyz.Ónimdilik ýsheuinde de jaman emes.Oblystyq auyl sharuashylyghyndaghylar әzirge maqtanyӊ sheteldik súrpy men jergilikti túqymdy salystyryp aitu erterek dep otyr. Degenmen biylghy aua rayy sharualardyӊ ala jazdayghy eӊbegin der kezinde jinap aluyna qarasyp túr, dep habarlaydy Jebe aqparattyq portaly.

Abay aqparat