Särsenbi, 13 Qaraşa 2019
El işi... 2903 0 pikir 28 Jeltoqsan, 2016 sağat 12:11

QOŞ BOL, QAZAQTIÑ EDİGESİ...

Qazaqtıñ wlı ğalımı Edige Twrsınovtı QR Wlttıq kitaphanasınan el-jwrt bolıp aqtıq saparğa abroymen şığarıp saldıq. Qaralı jiındı asıldıñ sınığı, twlpardıñ twyağı, mädeniettanuşı Mwrat Äuezov jürgizip otırdı. Almatı qalası Tilderdi damıtu basqarmasınıñ basşısı Mamay Ahet Almatı qalası äkimi Bauırjan Baybektiñ qazaqtıñ qabırğasın qayıstırğan qazağa arnalğan köñil aytu hatın oqıp berdi. Qaralı jiınnıñ wyımdastıruşılıq jwmısında ülken qoldau körsetken Almatı qalası Jastar sayasatı jönindegi basqarma basşısı Elnwr Beysenbaev bastağan jastarğa degen rizaşılığımız şeksiz. Marat Sembin, Meruert Äbuseyitova, Kenjehan Matıjan, Esenğali Rauşanov, Älmira Naurızbaeva, Häkim Omar, Qayrat Janabaev jäne tağı basqa tanımal twlğalar tebirene söylep, marqwm Edige Twrsınovtıñ adamgerşilik bolmısı, ğalımdıq ğalamat deñgeyi, basına tüsken tağdır tauqımeti jöninde söz söyledi.

Edige ağamızdıñ denesi "Keñsay-2" ziratında jer qoynauına tapsırıldı. Odan keyin tüs mezigilinde "Otırar" meyramhanasında marqwmğa arnalıp as berildi. Ol astı önertanuşı Erlan Töleutay ağamız mağınalı etip jürgize bildi. Mwnda da köz körgen jwrt Edige Däriğwlwlınıñ jaqsı qasietterin, wstazdıq meyrimin, ğalımdıq swñğılalığın, tınımsız eñbekqorlığın aytıp tarqastı.

Köpşilik wlı ğalımnıñ tiri kezinde elenbegenin, tipti talanttı bolğanı üşin ayağınan şaluşılardıñ köp bolğanın aytıp nalıdı. Dara twlğanıñ qazasınıñ özi közi tiri jaqsılarımızdı bağalaudı ündep twrğanday, tüge.

Edige Twrsınovtıñ qazası qazaq ruhaniyatı üşin ornı tolmas qayğı. Biraq, artında ölmeytwğın söz qaldırğan ğalımnıñ isi ärdayım bolaşaqqa säule tüsirip, jol siltep twrmaq.

Söz soñında äruaqtar eline soñğı saparın saltanattı etip ötkizuge eñbek siñirgen Edige Twrsınovtıñ (tuğan qarındasınıñ qızı) jieni Sabinağa, onıñ süyikti şäkirti Qayrat Janabaevqa, qiın sätte qol wşın sozğan mädeniettanuşı Mwrat Äuezovke, QR Wlttıq kitaphana direktorı Janat Seydumanovqa, Almatı qalası Tilderdi damıtu basqarmasnıñ basşısı Mamay Ahetke, Almatı qalası Jastar sayasatı basqarmasınıñ basşısı Elnwr Beysenbaevqa, "Temirqazıq" türiktanu ortalığınıñ direktorı Häkim Omarğa, jerleu şığındarı boyınşa qarjı qosqan Käken Qamzağa, Säken Seyfullinge, Dastan Eldesovke, Asiya Mwhamedovağa, Erbol Qwrmanbaevqa, Maral Tompievke, Ahat Razaqqa, "Däulet" şaruaqojalığınıñ direktorı Ötemis Mahanovqa, mädeniettanuşı Älmira Naurızbaevağa, nağız patriot azamat Temirbe İzdibaevqa, "Türki älemi" gazetiniñ qwrıltayşısı Dariğa Jüniske jäne tağı basqa atı atalmağan janı jomart, köñili märt kisilerge marqwmnıñ äruağı razı bolsın deymiz. "Äruaq razı bolmay, tiri bayımaydı".

Arman Äubäkir 

Abai.kz

0 pikir