Beysenbi, 17 Qazan 2019
2887 0 pikir 30 Jeltoqsan, 2016 sağat 13:49

TÄUELSİZDİKTİÑ ŞIREK ĞASIRINDAĞI JAMBIL ÖÑİRİ

Keyingi 25 jıldıñ şeginde Jambıl öñiri auız toltırıp aytarlıqtay jetistikterge jetip, äleumettik-ekonomikalıq, qoğamdıq-sayasi twrğıda damığanı ras.

Jiırma bes jıl işinde bolğan osınday oñdı özgeristerden oblıs twrğındarı da habardar boluı tiis dep şeşken «Jaña-ru» jastar koaliciyası Jambıl oblısı äkimdigi işki sayasat basqarmasınıñ qoldauımen 21-23 jeltoqsanda baspasöz turın wyımdastırdı. Bwl jolı respublikalıq jäne jergilikti BAQ ökilderi men tanımal blogerlerden jinaqtalğan arnayı top eki kün boyı Taraz qalası men oblıs audandarında bolıp, onda ornalasqan birqatar öndiristik käsiporındar men bilim beru nısandarın, wlttıq qwndılıqtarımızdıñ bağasın artıratın tarihi-mädeni orındardı aralap, tirşiligimen tanıstı.

Alğaşqı nısandarımızdıñ biri - Jambıl politehnikalıq kolledji 60 jıldan astam uaqıttan beri tehnikalıq jäne tehnologiyalıq mamandıqtar boyınşa orta buın kadrların dayarlap keledi. 21 mamandıq boyınşa oqıtatın bwl kolledjdiñ kündizgi bölimindegi 2157 studenttiñ 1681-i memlekettik tapsırıs negizinde bilim alıp jatır.

Kolledjdiñ oqu-öndiristik bazasında 34 pändik kabinet, 18 oqu zerthanası men 15 komp'yuterlik kabinet, 11 şeberhana, 2 sport zalı, 1 sport alañı men oqu poligonı, 70 orındıq oqu zalı men 340 orındıq cifrlıq-mul'timediyalıq podiumı bar akt zalı ornalassa, 100 orındıq jataqhana zamanaui twrmıstıq jihazben qamtamasız etilipti.

Biıl kolledjdiñ infraqwrılımın damıtuğa oblıstıq byudjetten 100 million tenge bölinip,  oqu ğimarattarı men akt zalı kürdeli jöndeuden ötkizildi. Jasandı şağın futbol alañı men jügiru jolı standarttarğa säykestendirildi.

Bwl oqu ornı 807 tehnikalıq jäne  käsiptik bilim beretin kolledjderdiñ arasınan iriktelip, «Käsipqor» Holdinginiñ seriktes kolledjder jelisiniñ 10 irgeli oqu orındarınıñ qatarına engeni de ülken quanış.

Keler jıldan bastap öñirimizdiñ basım salası sanalatın himiyalıq klasterge qajetti  «Himiyalıq tehnologiya jäne öndiris», «Üyler men ğimarattardı salu jäne paydalanu»  mamandıqtarı boyınşa oqu ürdisin batıstıq modul'dik bağdarlama negizinde jürgizudi közdep otırğan koledjdegi 420 oqıtuşı men qızmetkerlerdiñ 1-eui ğılım kandidatı bolsa, 31-i magistr, 91-i joğarı jäne  birinşi sanattı oqıtuşı eken. 9 oqıtuşı «Bilim beru isiniñ üzdigi» bolsa, birneşeui I.Altınsarin tösbelgisin ielenipti.

Kelesi nısanımız Qaratau qalasında ornalasqan «Talas Investment Company» boldı. Bwl käsiporınnıñ öndiristik quatı negizinen 15 mıñ tonna natriy cianidi men 5 mıñ tonna ammoniy sulfatına jetedi. Natriy cianidiniñ qaldığın qayta öñdep, ulılığın joyu arqılı payda bolatın ammoniy sulfatı tıñaytqış retinde satılımğa şığadı.

Atalğan öndiris ornınıñ qwrıltayşıları qazaqstandıq azamattar eken. Mwnda 480 adam jwmıs istese, zauıttıñ küzeti men gazdan qorğau qızmeti, jwmısşılardı qaladan tasımaldau, as-auqat dayındau sekildi qızmetterdi qosımşa 120 adam atqaratın körinedi. Jwmısşılardıñ ortaşa eñbek aqısı - 90 mıñ teñge. Zauıt tolıq quatında jwmıs isteytin bolsa, audan byudjetine 320 million, respublikalıq byudjetke 700 million teñge salıq töleuge mindetti. Äytse de, iske tolıq qosılğanına jartı jıl ğana bolğan öndiris ornı äzirge salıq esebinen audandıq byudjetke 230 million teñge qwyıptı. «Talas Investment Company» JŞS-nıñ bas injeneri Ğalım Nwrğaziev öndirilgen natriy cianidiniñ är tonnası 900 mıñ teñgeden ötetinin aytadı.

Kelesi bağıtımız Kösegeniñ kök jonındağı «EuroHim» kompaniyasınıñ ken-bayıtu fabrikası boldı. Jalpı kompaniyağa qarastı jauapkerşiligi şekteuli seriktestikter äzirge tolıq quatında jwmıs istep jatqan joq. Soğan qaramastan, aynalası üş jıldıñ işinde tabanınan tik twrıp, alıp käsiporınğa aynalıp keledi.

Jobanıñ jalpı qwnı – 356,6 milliard teñge. Joba boyınşa jılına 1,4 million tonna mineraldı tıñaytqış öndirilui tiis. Äzirge «Araltöbe» men «Kesiktöbeniñ» kenin igerip, sodan fosfor wnın şığaruda. Şamamen «Araltöbede» 1 milliard tonna ken jatsa, «Gimmel'farb» kenişiniñ qorı 2,2 milliard tonnadan asadı.

Osı jılı mwnda 366 mıñ tonna fosfor keni öndirilip, onıñ 227,5 mıñ tonnası wntaqtalıptı. Jıl ayağına deyin 515 mıñ tonna ken tasımaldap, odan mineraldıq tıñaytqış üşin 406,7 mıñ tonna fosfor şığaru josparlanğan.

Eki seriktestikte 453 adam eñbek etedi. Äkimşilik-basqaru  qızmetkerleriniñ ortaşa jalaqısı 212 mıñ bolsa, öndiristik-tehnikalıq personaldardiki – 133 mıñ teñge. Jwmıstıñ barlığı avtomattandırılğan dese boladı.

Sonımen qatar, top müşeleri Qazaq handığınıñ 550 jıldığına oray aşılğan «Köne Taraz» aşıq aspan astındağı mwrajay jwmısımen tanıstı. Mwrajayda qazba jwmıstarı kezinde tabılğan tarihi jädigerler men türli tarihi eskertkişter ornalıstırılğan. Zaman talabına say soñğı ülgide soğılğan «Dostıq üyin» de osı jaqtan tabasız.

Jaqında ğana aşılğan «Ruhaniyat» ortalığı da top müşeleriniñ nazarınan tıs qalmadı. Bwdan bölek «ETKY» çipsi öndiretin zauıtı, «Jambılgips» AQ, «Rola 7» JŞS-niñ jwmıstarımen de tanıstı.

Abai.kz

0 pikir