Jwma, 28 Aqpan 2020
3808 0 pikir 6 Qañtar, 2017 sağat 11:29

QAZAQTI QALAĞA JOLATPAU SAYASATI

Endi Qazaqstanda azamattardı bir aydan asatın merzimge tuğan-tuısın aralap, yaki jwmıs babımen emin-erkin qıdırıstap jüre almaytın boldı. Bir aydan asatın merzimge bir eldimekenge baraqalsañız mindetti türde uaqıtşa mekenjayı boyınşa tirkeuge twruğa mindettisiz. YAğni, köşi-qon zañdarına engizilgen tüzetuler biılğı jıldan bastap küşine enetin boldı. 

Endi twrğılıqtı jerinen tısqarı jaqqa bir aydan asatın merzimge barğan är qazaqstandıq memlekettik baj salığı retinde 227 teñge tölep, äri halıqqa qızmet körsetu ortalığına barıp uaqıtşa mekenjayı boyınşa tirkeuge twruı tiis. Bwl talap qonaqüyde twrıp, özge qalada jwmıs isteytin adamdarğa da, özge qaladağı auruhanada jatıp wzaq emdeletin adamdarğa da qatıstı. Alğaşqıların qonaqüy ornalasqan mekenjay, al ekinşilerin emdeletin ornı boyınşa tirkeydi. Bwl talaptı orındamağandarğa jeti AEK (aylıq eseptik körsetkiş) köleminde, yağni 16 mıñ teñge ayıppwl salınadı.

Bilik uaqıtşa tirkeu tärtibi azamattardıñ erkin jürip-twru qwqığın şektemeytinin, äri halıqaralıq täjiribege säykes engizilgenin aytadı. 

Biraq, Astana men Almatı sekildi qalalarda qarapayım halıq künköris qamımen sabılıp jürgen joq pa? Olardı qaytpekpiz? Olarğa onday tirkeudi kim beredi? Qonaqüylerdi jağalay ma, jwmıs ornına tirkele me? Tirkeuge alğıştar tağı da aqşa tabudıñ jolın tañdap, qarapayım halıqtıñ qaltasın qağuğa kirisip ketpey me?
Mwnday tirkeudiñ qiındığın alğaş bolıp qazaq köredi. Sebebi qazir wltımız wlı urbanizaciyanı basınan ötkerip jatır. Osı urbanizaciya qarqın alğan kezde onı tirkeumen şektemek bolğandardıñ isi külkimizdi keltiredi. 
Uaqıtşa tirkeu tärtibi talabın orındauğa kiriskende bilik sözsiz qarsılıqqa tap boladı. Sebebi, şiki zañ eşkimge de opa bermeydi.
Şäriphan Qaysar
Abai.kz
0 pikir