Düysenbi, 14 Qazan 2019
«Soqır» Femida 2413 0 pikir 27 Qazan, 2016 sağat 15:40

JETKEN JERİMİZ - 73 ORIN

Älemdik reytingte Qazaqstan qwqıqtıq erejelerdiñ saqtaluı jöninen 73-orında.

World Justice Project Halıqaralıq wyımı tüzetin jıl sayınğı Qwqıqtıq (Zañ) erejelerdiñ saqtaluı jönindegi reytingte Qazaqstan biıl 8 satığa tömendep, 113 eldiñ işinen 73-orınğa jayğasıptı.

Bwrınğı odaq şeñgelinen şıqqan elder işinde qwqıqtıq ädilettilik äm Konstituciyalıq erkindik jöninen Gürjistan men Belorussiya köş bastap twr.

Bwl tizimde Resey Federaciyası bıltırğı jılğı körsetkişten 17 satı tömen sırğıp, 92-orınğa twraqtağan. 

Zertteudiñ qorıtındısı boyınşa, Konstituciyalıq erejelerdiñ saqtaluı eñ tömen el – Venesuella bolğan.

Al zertteudiñ «Şığıs Europa jäne Ortalıq Aziya» blogında Gürjistan 34-satıdan körinip, köş bastap twr. Gürjistannan keyin Bosniya jäne Gercegovina men Makedoniya da üzdik körsetkişke ie bolğan.

Zertteu jwmısınıñ qorıtındısı boyınşa Qwqıqtıq (Zañdıq qwqıq jäne Zañ organdarınıñ erkindigi) jönindegi reytingti Daniya bastap twr. Ekinşi – Norvegiya, üşinşi – Finlyandiya. Sonday-aq, alğaşqı bestikke Şveciya men Niderlandı kirgen.

Zañ erejeleriniñ saqtaluı jönindegi zertteu indeksi – 8 atalımnan twradı. Olar: bilik instituttarınıñ mansaptıq üstemdigin şekteu, sıbaylas-jemqorlıqtıñ joyıluı, aşıq sayasi qatınas, tärtip pen qauipsizdik, negizgi qwqıqtıq qorğau, normativtik qorğau, azamattıq jäne qılmıstıq ädilettilik.

Ayta keteyik, Qazaqstan bıltırğı jılı bwl tizimde TM elderi qatarında köş bastap, 65-orınğa köterilgen bolatın.

Nwrzat Toğjan

Abai.kz

0 pikir