Düysenbi, 9 Jeltoqsan 2019
Bilik 5567 0 pikir 12 Şilde, 2016 sağat 12:41

QOBDA BETİNDEGİ QANDASTAR KÖMEKKE ZÄRU (foto)

QR Ükimetiniñ jäne

Düniejüzi qazaqtarı

qauımdastığınıñ nazarına!

 

Apat aytıp kelmeydi. Moñğoliyanıñ Bayan-Ölgiy aymağın mekendegen qandastarımız tilsiz jau – apatqa tap boldı. Jañbırdıñ mölşerden köp jauuı saldardarına sel jürip, qandastarımız su tasqınan zor zardap şegipti. Beyresmi derekterge qarağanda, adam şığını bar körinedi. Üy, qora-jaydı su basqan. Dünie-mülikterin su alğan. Jergilikti bilik aulalardı basıp qalğan su sorıp, el-jwrtqa kömektesip jatır. Moñğoliya biligi de ağayınnıñ basına tüsken auırtpalıqqa qol wşın sozadı dep ümittenemiz! Alayda, Bayan-Ölgeyde qonıs tepken ağayın ata mekendegi – Qazaqstandağı qalıñ qazaqtıñ kömegine, qoldauına zäru! Qandasqa qol wşın sozıp, kömektesude şekara bolmaydı! Tilsiz jaudan zardap şekken ağayınğa kömektesu, bar qazaqtı bir qazaq dep biletin är azamattıñ el aldındağı azamattıq borışı dep bilemiz äri eli bölek, enşisi bölek dep adamşılıqqa şet is jasamay, qoldan kelgenşe alıstağı bauırlarğa kömek qolın sozadı dep oylaymız!

Bayan-Ölgiy aymağındağı qazaqtarğa kömek berude Qazaqstan Ükimeti de qarap qalmauı tiis! Jer betindegi qazaqtardıñ jalğız Otanı – Qazaqstan! Al, şeteldegi är qazaq balası qiın-qıstau kezde Qazaqstan biliginiñ qamqorlığın sezinui tiis! Sondıqtan, bizdiñ Ükimet Moñğoliyadağı qandastarımızğa arnayı kömek wyımdastıruı şart! Bwl – eldiktiñ, äsirese, Ükimet özi köp aytatın birliktiñ körinis tabatın twsı! Al, Ükimettik jäne qoğamdıq kömekti wyımdastıruda Düniejüzi qazaqtarı qauımdastığı wyıtqı bolsa, qwba-qwp. Sebebi, bwl wyımnıñ törağası QR Prezidenti N.Nazarbaev ekenin eskersek, Elbasınıñ atınan qandastarğa jılu jinap, sonı wyımdastırıp, jetkizip beru, qauımdastıqtıñ mindeti.

Dünieniñ qay qiırında jürse de qazaq balasın qandasım dep biletin är azamat Bayan Ölgeydegi elge kömektesuden şet qalmaydı dep bilemiz!

Azamattar bas bolıp, jılu jinap jatır. Kömek qolın sozamın degen azamat tömende körsetilgen esep-şotqa mümkindiginiñ şeginde qarajat audaruına boladı.

Esep-şot Ayatjan Ahmetjan esimdi azamattıñ atında:

Halıq bank:
4402 5775 0180 1032
INN: 860718399050

Nwra Matay

Abai.kz

0 pikir