Jwma, 28 Aqpan 2020
Mäyekti 3342 0 pikir 29 Naurız, 2016 sağat 19:09

ŞİRKEUDEN QARU-JARAQ PEN OQ-DÄRİ TABILDI

Qamshy.kz saytı Almatı qalalıq İİD-niñ baspasöz qızmetine silteme jasay otırıp, bügin  qaladağı Evangeliya senimindegi hristiandardıñ «Jaña ömir» şirkeuinen qaru-jaraq pen oq-däri tabılğanı habarladı.

Bwğan deyin şirkeu pastorlarına keluşilerden zañsız aqşa jinağan, qarjı jımqırğan degen küdik tuğanı turalı habarlanğan edi. Osığan oray Almatı policeyleri şirkeu basşıların Qılmıstıq kodekstiñ 190-babı 3-bölimi 1-tarmağı (İri kölemdegi alayaqtıq) boyınşa tergeuge alğan bolatın.

Atalğan şirkeudiñ qwqıqqorğau organdarı nazarına ilingeni bir bügin emes körinedi. Ötken jıldıñ şilde ayında Almatı işki ister organdarına Evangeliya senimindegi hristiandardıñ «Jaña ömir» şirkeuiniñ bes birdey keluişisi şağım tüsirip, şirkeu pastorların qayırımdılıq arqılı tüsken iri kölemdegi qarajattı, jıljitın, jıljımaytın mülikterdi jımqırdı, alayaqtıqpen aynalıstı dep ayıptağan körinedi.

Tergeu şaraları barısında qala policeyleri 25 naurız küni sot sankciyasımen «Evangeliya Senimindegi Hristiandarınıñ «Jaña ömir» Şirkeui» dini birlestiginiñ keñsesinde jäne şirkeu basşılarınıñ üylerinde tintu jürgizgen.

Tintu nätijesinde qarjılıq-ekonomikalıq qızmetke baylanıstı birşama qwjattar tabılıp, arnayı saraptamağa  jiberilgen.

Sonday-aq, Almatı qalalıq İİD baspasöz qızmeti tintu kezinde tirkelmegen qaru-jaraq pen oq-däri tabılğanın habarlap otır. İİD baspasöz hatşısı Saltanat Äzirbek qwqıqqorğau organdarınıñ azamattardıñ şağımı boyınşa jürgizgen tergeu şaraların şirkeudiñ keybir jaqtauşıları teris sipatta bağalap, äleumettik jeliler arqılı osı isti dini sebeptermen quğındau dep mälimdep jatqanın aytadı.

«Qwqıqqorğau organdarınıñ azamattardıñ şağımı negizinde olardıñ zañdı qwqıqtarı men müddelerin qorğau üşin jürgizgen şaraları äleumettik jelilerde dini sebeptermen baylanıstırılıp tüsindirilude. Sonday-aq, policiya tintu kezinde dini ädebietter men  wyım qorınan aqşa tärkilendi degen jalğan aqparat tarauda. Policiya mwnday aqparattıñ şındıqqa janaspaytının habarlaydı jäne jalğan aqparat taratqanı üşin Qılmıstıq kodekstiñ 274-babı boyınşa qılmıstıq jauapkerşilik qarastırılğanın eskertedi», - deydi ol.

«Bwl oqiğa osığan deyingi keybir sayasi toptar men aqparat qwraldarı arqılı qoğam sanasına siñirilip kelgen «Dini birlestikter men wyımdar qızmetinde kinärat şıqsa, tek mwsılman qauımdastıqtarınan şığadı, qaru asınsa, tek islam dinin wstanuşılar asınadı, lañkes tek mwsılmandar qatarınan şığadı» degen tüsiniktiñ jalğan ekenin, lañkestik pen alayaqtıqtıñ dini bolmaytının tağı bir däleldegendey»  dep jazadı Qamshy.kz portalı.

Abai.kz

0 pikir