Jaqynda Global Finance Magazine basylymy әlemdegi eng bay elderdin reytingisin jasapty. Dýniyejýzilik bank pen Halyqaralyq valuta qorynyng derkterine sýiene otyryp jasalghan búl tizimge әlemning 185 memleket kirgen. Amerikandyq basylymnyng týzgen tiziminde Qazaqstan Reseyden góri bay dep kórsetilgen. Búl turaly «tengrinews.kz» portaly jazady.

Tizimdi týzushiler әuelde halyqtyng satyp alu qabiletining tepe-tendigine, adamdardyng ómir sýru dengeyine jәne elderdegi inflyasiya dengeyine basty nazar audarypty.

Sonymen amerikandyqtardyng kózimen jasalghan reyting boyynsha, post-kenestik kenistiktegi elderding ishinde eng bayy baltyq elderi – Litva eken (41-oryn). 42-satyda Estoniya. Múndaghy satyp alu dengeyi 28 245 jәne 27 729 dollargha teng eken.

Biz búl tizimde eluinshi oryndamyz eken. Elimizde halyqtyng satyp alu qabileti – 25 367 dollardy qúrapty.

Túyaghymyzdy basyp, Resey 51-orynda túrsa, Latviya 52, Ázirbayjan 64, Belarusi 65, Ukraina 109, Armeniya 116, Ózbekstan 127, Qyrghyzstan 142 Tәjikstan 153 oryndargha jayghasqan.

Global Finance Magazine-ning zertteuining nәtiyjesinde jer sharynyng eng bay memleketi – Katar eken. Múnda halyqtyng satyp alu qabileti 146 myng dollardy qúraydy eken. Ekinshi orynda Luksemburg (94 167), ýshinshi orynda - Singapur (84 821).

Áneu jyly qazaqstandyq zertteushiler Qazaqstannyng qazirgi ishki jaghdayyn saraptap, elimizdi әlemning eng kedey Chad Respublikasy jәne Afrikanyng elderimen tenestirgen-tin. Sonda, «Múnaydyng ýstinde otyrghan arab - bay, qazaq nege kedey?» - dep súraqty tótesinen qoydyq. Osy tústa taghy bir eskere ketetin jәit bar edi.  Qazaq qaramayynyng tarihynda qazaqtar nemen shúghyldandy deysiz ghoy. Eng aldymen kenishterdi aghylshyndar tapty, odan keyin patshalyq Resey qojayyn boldy. Qazaqtar solardyng búiryghyna baghynyp, shiykizatty shelektep tasyp, qara júmys atqardy. Kenes kezinde múnaygaz sektoryn zertegen ghylymy baza da bolghan joq. Basqaru isin Mәskeu týgeldey óz qolynda ústady. Qoryta aitqanda, geologiyalyq barlaudan bastap, óndiristing tolyq siklyn ózi jasaghan elderde múnaydyng ózindik baghasy tómen boluyna búl da yqpal etedi. Arabtar 8-10 dollar arzan múnaydy sonyng arqasynda alyp otyr. Búl qazaq múnayy qazaqtiki emes ekenin aiqyn anghartsa kerek-ti.

Aytpaqshy, Europa Odaghynyng statistika qyzmeti salystyrmaly týrde derekter keltirdi. Qazastannyng 60 payyz adamy kedey túrady dedi.

Al Qazaqstandaghy eng bay 50 adamnyng baylyghyn biriktirse, Aqmola, Jambyl, Soltýstik Qazaqstan oblystarynyng jyldyq budjetin qúraytynyn birneshe jyl búryn «Azattyq» jazghan edi.

Shyn mәnisinde, bizdegi auyl adamdarynyng kedeyshiligi qala kedeylerinen bes-on esege ósip ketken. Tanaularyna esekqúrt kirgen bay-shonjarlardyng deni – Astanada, Megapilosterde. Sheraghansha aitsaq, bir kem dýniye...

Núrgeldi Ábdighaniyúly

Abai.kz