Jwma, 6 Jeltoqsan 2019
Käsip-tübi näsip 3626 0 pikir 26 Säuir, 2016 sağat 11:11

Dual'dıq oqıtu bilikti maman jetispeuşiliginiñ aldın aluı tiis

Dual'dıq bilim beru jüyesiniñ bastı maqsatı – käsiporındardıñ talabına say mamandar dayındau.

2014 jıldan bastap  elimizde tehnikalıq jäne käsiptik kadrlardı dayarlau   maqsatında dual'dıq bilim beru jüyesi engizildi. Osınıñ nätijesinde elimizdiñ öñirlerdegi tehnikalıq jäne käsiptik kolledj studentteri öndiris oşaqtarında teoriyalıq bilimderin şıñdauğa mümkindik

aluda.  Äsirese, bilim orındarı köp şoğırlanğan Almatı oblısında dual'dıq bilim beru sayasatı jüyeli jürgizile bastadı.  Qazirgi tañda oblısta 67 tehnikalıq jäne käsiptik bilim beretin oqu  ornı bar. Öñirlik käsipkerler palatası osı bilim ordaları men aymaqtağı käsiporındardıñ ıntımaqtastığın nığaytu üşin irgeli jwmıstar atqarıp otır.       

Almatı oblısı ÖKP-nıñ Adami resurstı damıtu böliminiñ basşısı Almagül Oñğarbaevanıñ aytuınşa, Almatı oblısında dual'dıq bilim beru jüyesi ayasında öndiris orındarına qajet mamandardı  dayındauğa basımdıq berilmek.  «Dual'dıq oqıtudıñ jol kartası» şeñberinde 18 kolledjben birlesip jwmıs jasap otırmız. Büginge deyin ÖKP, käsiporındar jäne  oqu ornındarı arasında üş jaqtı 90-ğa juıq kelisimşart jasalıp, dual'dıq oqıtu bağdarlaması boyınşa 90 käsiporın 630 studentti is-täjiribeden ötkizuge qabıldadı.  Qazirgi tañda öndiriske dänekerleuşiler, tigin maşinasın jöndeuşiler, jol jöndeu jwmısşıları, tehnikalıq kölikterdiñ jürgizuşileri sekildi mamandar köptep qajet.  Sondıqtan, osınday tehnikalıq kadrlardı dayındauğa köñil bölip otırmız», – deydi ol.

Qazaqstandağı  käsiporındar men öndiris oşaqtarındağı  eñ bastı mäsele  – bilikti kadrlardıñ jetispeuşiligi.  Äsirese käsiporındar şetelden äkelingen tehnologiyalardı öndiriske engizip, tetigin tauıp, jwmıstı alıp ketetin mamandardıñ joqtığınan köp zardap şegedi.

Sondıqtan, keybir käsiporındar özderine qajetti kadrlardı arnayı bilimi bar mamandar şaqırtıp oqıtudı jön sanaydı.  Osı orayda, öñirlik käsipkerler palatasınıñ däneker boluımen  Tekeli qalasındağı birqatar käsiporındar  Ortalıq Aziya universitetinen teoriyalıq bilim beretin oqıtuşılar şaqırıp, biliktilikti arttıru kurstarın wyımdastırdı.

«Öñirlik käsipkerler palatası 2015 jıldan bastap    «Jwmıspen qamtu 2020 jol kartası»bağdarlamasınıñ ayasında Tekelidegi jer qoynauın paydalanatın birqatar käsiporındardıñ mamandarına arnap, oqıtu kurstarın wyımdastırdı.  Şarağa Ortalıq Aziya universitetiniñ oqıtuşıları  şaqırılıp, jaña tehnologiyalar jöninde därister ötkizildi.  Söytip, 18 maman «Wsatu-ügituşi jäne swrıptauşı maşina operatorı» degen sertifikattarğa ie boldı.  Mwnday biliktilikti arttıru kursın ötuge kenşiler tarapınan tağı 19 wsınıs kelip tüsti.  Ayta keteyik, bwl mamandardıñ oqu aqısın käsiporındardıñ tarapınan tölendi.  Sonımen birge, Tekeli tau-ken kombinatınıñ 70 kenşisi Temirtaudağı politehnikalıq kolledjge oquğa jiberildi.  Aldağı uaqıtta tağı 30 kenşini oquğa jiberu közdelip otır. Barlığı da jwmıspen qamtamasız etiletin boladı», – deydi A.Oñğarbaeva.

Dual'dıq bilim beru jüyesiniñ bastı maqsatı – käsiporındardıñ talabına say mamandar dayındau.  Öñirlik käsipkerler palatası käsiporın ökilderimen aqıldasa otırıp, qay bağıttağı mamandardı dayındau jäne qanday talaptarğa basımdıq beru kerektigin esepke ala otırıp, jwmıs jasap keledi. Aldağı uaqıtta eñbek narığındağı swranısqa ie mamandıqtardı kolledjderge engizip, talapkerler tartu közdelude.      

Osılayşa, dual'dıq oqıtu ayasında Almatı oblısındağı kolledj studentteri käsiporındarda öndiristik täjiribeden ötuge mümkindik alsa, käsiporın mamandarı biliktilikti arttıru jönindegi sertifikattarğa ie boldı.

Abai.kz

 

0 pikir