Särsenbi, 23 Qazan 2019
Qoğam 4783 0 pikir 29 Säuir, 2016 sağat 10:53

ŞİRENİP SÖYLEYTİN ŞENEUNİKTER ŞETİNEN JAUAPQA TARTILADI

Bwqara halıqtıñ saualına jauap qaytarmaytın keybir memlekettik mekemeler men ondağı lauazımdı qızmetkerlerdi (şeneunikterdi) sotqa beruge boladı degen zañ jobasın keşe Mäjilis deputattarı Parlament qabırğasında talqıladı,-dep habarlaydı Stan.kz portalı.


Eger atalğan saual memlekettik qwpiyağa jatpaytın mälimet bolsa, onı jasırıp qalğan şeneunikterdi jauapqa tartuğa boladı. Keşe «Aqparatqa qol jetimdilik» turalı aytqan deputattar, atalmış zañ jobasınıñ iske asırılu bağıtı turalı bayandadı.

Qazir qazaqstandıq qoğamda aqparat jalpığa qoljetimdi boluı kerek degen twraqtı pikir bar. Alayda bizdiñ zañnamanıñ barlıq köleminde aqparattıq-qwqıqtıq keñistiktegi ahualdı anıqtaytın jüye qwraytın naqtı zañnamalıq aktilerdi biriktiretin qwjat joq eken. Memlekettik organdardıñ aqparattıq aşıqtığı turalı standarttarğa säykes - kez-kelgen azamat memlekettik mekemelerden özine qajetti aqparattı swrata aladı. Tipti Ata zañda da bwl atalıp körsetilgen eken.

Atalğan qwjatqa säykes, Qazaqstannıñ twraqtı azamatı ekonomikadan bastap äleumettik mäseleler jäne byudjettiñ är tiınına deyin qayda jwmsalğanın biluine qwqı bar. Bwl demokratiya ottegisi ispetti. Mwnday aqparatqa erkin qoljetimdilik - jemqorlıqqa qarsı daua bolıp tabıladı.

Onıñ üstine şeneunikter jwrttıñ dwrıs wqpağan zañ jobaları men reformalardı täptiştep tüsindirip berui tiis. Bwl qwjat bıltır «100 naqtı qadam» bağdarlaması ayasında qabıldanğan bolatın.

Al ministrlik, äkimdik pen türli organdar twrğındardıñ saualına 15 kün işinde jauap beruge mindettelip otır. Talaptı orındamağan memlekettik qızmetkerler jappay jazalanatın boladı.

«Eger memlekettik organdar aşıq aqparattı «qızmettik aynalımğa tüspeytin aqparat» dep şeşimder qabıldap bermey jatsa, onda osı mäseleni sotta köterip, ayıppwldar saluğa barlıq mümkindikter bar»,-deydi Mäjilis deputatı Mäulen Äşimbaev.

Nwrzat Toğjan

Abai.kz 

0 pikir